Ekologiia, geologiia jáne tabiǵi resýrstar ministrligi Kishi Taldykólge qatysty túsinik berdi, dep habarlaidy "Ult aqparat".
«Taldykól - sý obektisi. Ákimdik óz quzyreti sheginde sý qorynyń jerlerin eldi mekenderdiń jerlerine aýystyrý týraly qaýly shyǵardy. Sý qorynyń jerleri basqa sanattarǵa tabiǵi nemese jasandy túrde joiylǵan, sondai-aq sý obektisiniń kólemi kishireigen kezde aýystyrylady. Kóldiń qai bóligi tabiǵi sebeptermen joǵalyp ketkenin, sý jinaý alańyn salý nátijesinde kóldiń kólemi qanshalyqty kishireigenin zertteý qajet. Osyǵan bailanysty qosymsha zertteýler júrgizý jáne olardyń nátijelerin eskere otyryp, túpkilikti sheshim qabyldanýy tiis», - delingen ministrlik habarlamasynda.
Sonymen qatar, ministrlik Kishi Taldykól sý obektisi retinde qaldyrylsyn degen ustanym bildirdi.
«Bul rette, qala qurylysynyń saldarynan kólge túsetin jańbyr jáne erigen sýlardyń aǵyny azaiǵanyn nazarǵa ala otyryp, ony qosymsha toltyrý men ainalymǵa engizý boiynsha sharalar qabyldaý qajet», - dedi Ekologiia ministrligi.
