Nur-Sultan qalasynyń turǵyndary keibir internet resýrstarǵa kire almaýy múmkin. Bul týraly Qazaqstannyń tsifrlyq damý, innovatsiialar jáne aeroǵarysh ónerkásibi ministrliginiń baspasóz qyzmeti habarlady.
Quzyrly memlekettik organdar elordanyń bailanys operatorlarymen birlesip, tehnikalyq jumystar júrgizip jatyr. Ministrliktiń aqparatynsha, bul qala turǵyndaryn, memlekettik organdar men jekemenshik kompaniialardy hakerlik shabýyldan, internet-alaiaqtar men túrli kiberqaýipten qorǵaý úshin qajet. Osyǵan bailanysty elordalyqtar keibir internet resýrstarǵa kire almaýy múmkin.
"Jekelegen internet-resýrstarǵa kirý múmkin bolmaǵan jaǵdaida, mobildi qurylǵynyń (uialy telefon, planshet) tirkelip-tirkelmegenin tekserýdi jáne qaýipsizdik sertifikatyn (bailanys operatorlarynyń saitynda ornalastyrylǵan) ornatýdy usynamyz. Sondai-aq, óz bailanys operatoryńyzdyń call-ortalyǵyna habarlasýyńyzǵa bolady. Ýaqytsha qolaisyzdyqtar úshin keshirim suraimyz", - delingen habarlamada.
Aita ketsek, qazaqstandyqtar áleýmettik jelilerdiń buǵattalýy men uialy bailanystyń sapasyna jii shaǵymdanady.
