«Qazaqstandyqtar 1 qazanǵa deiin salyq qaryzyn tóleýi tiis» degen aqparat – jalǵan. Bul týraly QR Qarjy ministrliginiń baspasóz qyzmeti habarlady.
«Sońǵy ýaqytta áleýmettik jeliler men messendjerler arqyly ótken salyqtyq kezeńder úshin bereshegi bar azamattar boryshyn 1 qazanǵa deiin ótemegen jaǵdaida 8 AEK (20000 teńge shamasynda) kólemindegi aiyppul esepteletini týraly habarlama taratylýda. Bul aqparat shyndyqqa janaspaitynyn resmi túrde habarlaimyz», dedi QR Qarjy ministrliginiń baspasóz hatshysy Álibek Abdilov.
Resmi ókildiń aitýynsha, jeke tulǵalar biýdjetke jer jáne múlik salyqtaryn ótken jyl úshin aǵymdaǵy jyldyń 1 qazanyna deiin tóleýi tiis. Kólik salyǵy aǵymdaǵy jyl úshin 31 jeltoqsanǵa deiin óteledi.
«Qoldanystaǵy QR Salyq zańnamasynda aiyppul esepteý sharalary kórsetilmegen. Tek salyqty ýaqytyly tólemegen jaǵdaida ótkizilgen ár kúnge ósimpul esepteledi», - dedi Á.Abdilov.
Sondai-aq, aǵymdaǵy jyldyń aiaǵyna deiin jeke tulǵalarǵa arnalǵan salyqtyq raqymshylyq úrdisi júrýde. Onyń erejelerine sáikes, jeke tulǵa beresheginiń negizgi somasyn ótegen jaǵdaida ósimpul avtomatty túrde esepten shyǵarylady.
