Ulttyq Olimpiada komitetiniń bas hatshysy Andrei Kriýkov Tokio Olimpidasyna qatysatyn sportshylardyń nege az ekenin túsindirdi, dep habarlaidy "Ult aqparat".
«96 litsenziia boiynsha, jalpy litsenziia júiesi qalai ekenin túsindire ketkim keledi. Biletin shyǵarsyzdar, Tokiodaǵy XXXII jazǵy Olimpiada oiyndaryna qatysatyn sportshylardyń sany Riodaǵy oiyndarǵa qaraǵanda 10 paiyz az. Halyqaralyq Olimpiada komitetiniń túrli sebeptermen bulaisha qysqartýy búkil irikteý kezeńinde júrdi. Bul Qazaqstan úshin Rio Olimpiadasyna qaraǵanda 33 sportshyǵa az bolyp otyr», - dei ol Ortalyq kommýnikatsiialar qyzmetinde ótip jatqan brifingide.
Komitet ókili litsenziia sany buǵan deiingi Olimpiada oiyndaryndaǵydan az bolǵanymen, otandyq sportshylar medalǵa talasatyn sport túrleri kóbeigenin atap ótti.
«Mysaly, Rioda aýyr atletikadan 8 sportshy qatyssa, qazir eki adam qatysqaly otyr. Osynsha kvota berilgendikten ony keńeitý múmkin bolmady. Nemese Rioda bokstan tutas komanda saiysqa tússe, biyl irikteý týrnirleri qysqartylǵandyqtan litsenziia sany az bolyp tur. Halyaqaralyq boks federatsiiasy irikteý týrnirlerin birneshe sebepter boiynsha qaita jandandyra almady. Osylaisha litsenziialar qysqardy. Atys, eskek esý siiaqty basqa sport túrlerinen de distsiplinalar qysqardy. Bul ózgeris bizge ǵana emes, barsha elderge áser etti. Sondyqtan absoliýtti sandarǵa bailanyp qalýdyń qajeti joq dep oilaimyn. Odan da álemdik sporttaǵy jaǵdaiǵa qaraý kerek. Kásibi maman retinde saiysqa baratyn qazirgi komanda óte myqty ekenin aita alamyn», - dedi Andrei Kriýkov.
