QR Densaýlyq saqtaý ministrligi dárigerler men meditsinalyq qyzmetkerlerdiń ortasha jalaqysyn jariialady, dep habarlaidy QazAqparat.
QR Densaýlyq saqtaý ministrliginiń jaýapty hatshysy Botagóz Jaqsylyqovanyń aitýynsha, Tegin meditsinalyq kómektiń kepildik berilgen kólemi aiasynda jáne Mindetti áleýmettik meditsinalyq saqtandyrý júiesindegi meditsinalyq qyzmetter tarifinde meditsinalyq qyzmetkerlerdiń eńbekaqysyn satylap arttyrý qarastyrylǵan.
«2020 jyldyń qańtarynan bastap, dárigerlerdiń jalaqysyn 30%, ortasha meditsinalyq qyzmetkerlerdiń jalaqysyn - 20% arttyrý eskerile otyryp, barlyq meditsinalyq kómek kórsetý tarifteri kóterildi. Bul arttyrý respýblikalyq biýdjettiń maqsatty qarajaty esebinen júrgizildi. 2020 jyly onyń kólemi 66 mlrd teńgege jetti. MÁMS qarajaty esebinen qosymsha 20 mlrd teńge bólindi. 2018-2020 jyldar aralyǵynda dárigerlerdiń ortasha jalaqysy 30% artyp, 246 myń teńge bolsa, ortasha meditsinalyq qyzmetkerlerdiki - 41% nemese 144 myń teńgeni qurady», - dedi B. Jaqsylyqova QR Parlamenti Senatynda ótken jinalysta.
