1 aqpanda Qazaqstan halqynyń sany 18 mln 177,7 myń adamdy qurady. Bul ótken jyldyń osy kezeńindegi kórsetkishten 240,6 myń adamǵa artyq nemese 1,3% protsent joǵary, dep habarlaidy "Ult aqparat" QR Ulttyq ekonomika ministrliginiń baspasóz qyzmetine siltememen.
Sonyń ishinde qalalyqtar 10 439,6 myń (57,4%), aýyldyqtar - 7 738,1 myń adamdy (42,6%) qurady.
AHAT organdary usynǵan azamattyq hal aktileri jazbalaryndaǵy málimetterdi óńdeý nátijesinde, 2018 jylǵy qańtarda 33,3 myń sábi týǵan, bul 2017 jylǵy qańtarǵa qaraǵanda 4,4% kóp. Týýdyń jalpy koeffitsienti 1000 adamǵa 21,42 týylǵandardy qurady.
2018 jylǵy qańtarda respýblika halqynyń tabiǵi ósimi 2017 jylǵy qańtarmen salystyrǵanda 2,5 myń adamǵa nemese 13,1% kóbeiip, 21,5 myń adamdy qurady. Tabiǵi ósimniń jalpy koeffitsienti 1000 adamǵa shaqqanda 13,83 adamdy qurady.
2018 jylǵy qańtarda respýblikada 1 jasqa deiingi 317 náreste ólimi tirkeldi. 2017 jylǵy qańtarmen salystyrǵanda 1 jasqa deiingi shetinegen náreste sany 7,1% kóbeidi.
Náreste ólim-jitiminiń negizgi sebebi - perinataldyq kezeńde paida bolatyn jaǵdailar, budan 2018 jylǵy qańtarda 146 náreste qaitys bolyp, náresteler arasyndaǵy jalpy ólim sanynyń 46,1% qurady. Týa bitken aýytqýlardan 64 nemese 20,2%, tynys organdary aýrýlarynan - 29 nemese 9,1% jáne jazataiym jaǵdaidan, ýlanýdan jáne jaraqattan - 11 nemese náresteerdiń 3,5% protsenti qaitys boldy.
2018 jylǵy qańtarda náreste ólim-jitiminiń koeffitsieti 1000 sábige shaqqanda 9,53 náresteni qurady.
Kóshi-qon qyzmeti organdary usynǵan málimetterdi óńdeý nátijesinde, 2018 jylǵy qańtarda elimizge turǵylyqty turýǵa kelgenderdiń tirkelý sany 2017 jylǵy qańtarmen salystyrǵanda 9,2% kemip, 1 360 adam qurady. Elimizden ketken kóship-qonýshylardyń tirkelý sany 34,9% kóbeiip, 2 258 adam qurady.
Elimizdegi negizgi kóshi-qon almasýy TMD memleketterimen bolýda.
TMD elderinen kelgenderdiń úlesi 78,1%;TMD elderge ketkenderdiń úlesi 86,7% qurady.Óńiraralyq kóship-qonýshylardyń úlesine elimizdiń jalpy ishki kóship-qonýshylar sanynyń 33,3% kurady. Óńiraralyq kóshi-qonnyń oń aiyrymy:
Astana qalasy - 1 058 adam; Almaty qalasy - 3 549 adam; Aqmola oblysy - 157 adam; Mańǵystaý oblysy - 26 adam.
