Iraktan oralǵan sábiler jaqynda týystarymen qaýyshady. Bul týraly búgin QR Bilim jáne ǵylym ministrligi Raisa Sher aitty, dep habarlaidy QazAqparat.
«QR Syrtqy ister ministrliginiń bastamasymen QR Bilim jáne ǵylym, Densaýlyq saqtaý ministrlikteriniń, sonymen qatar ózge de vedomstvolardyń qoldaýymen Iraktan qazaqstandyq balalardy alyp kelýge baǵyttalǵan «Rýsafa» degen ataýmen arnaiy operatsiia júrgizildi. Qarashanyń 27-inen 28-ine qaraǵan kúni balalar Qazaqstanǵa jetkizildi. Balalar Nur-Sultan qalasynyń qiyn jaǵdaiǵa tap bolǵan balalardy qoldaý ortalyǵynda turyp jatyr. Osy jerge 14 bala jetkizildi. Olardyń 10-y 1 jas on aidan 5 jasqa deiingi sábiler, ekeýi 6 jáne 9 jasta, taǵy eki bala 10 jáne 13 jasta», - dedi ol atalǵan ortalyqta balalardyń jaǵdaiymen tanystyrý barysynda.
Onyń atap ótýinshe, barlyq balalar atalǵan ortalyqta áleýmettendirilip, ońaltýdan ótip jatyr. Olarmen pedagogtar, tárbieshiler, meditsina qyzmetkerleri kúndelikti jumys isteidi. Bul mekemeniń qaýipsizdigin Nur-Sultan qalalyq politsiia departamenti qorǵaidy.
«Bastapqy kezde balalar jylap, bir-biriniń qolynan ustap júretin bolsa, qazirgi ýaqytta birshama boi úiretip qaldy. Kóńilderi kóterińki, daýystap sóilep, tipti bir-birimen alysyp ta alady. Balalardy elimizdiń túrli óńirlerinde turatyn týystaryna jaqyn arada, shamamen 12 jeltoqsanda berý josparlanyp otyr. Olar bul jerde týystarynsyz turyp jatyr. Sebebi olarǵa genomdyq saraptamalar júrgizildi. Iaǵni, aldyn ala saraptamalarǵa sai týystyqtary qanshalyqty durys ekendigin taǵy bir naqtylaý júrgizildi. Genomdyq saraptama týystyqtaryn taǵy da bir márte naqtylady. Biraq, týystary bas tartqan 4 bala bar. Belgili bir sebepterge bailanysty olar balalardy qabyldaýǵa daiyn emes. Sondyqtan biz ol balalardy asyrap alýshy otbasyǵa nemese otbasylyq úlgide tálim-tárbie beretin mekemege berýdi josparlap otyrmyz»,- dedi Raisa Sher.
Eske salsaq, Irak túrmesinde óz analarynyń janynda jatqan 14 qazaqstandyq bala qaitarylǵan edi.
Iraktan Qazaqstanǵa balalardy qaitarý jumysy osy jyldyń basyndaǵy Elbasy Nursultan Nazarbaevtyń bastamasymen iske asyrylǵan «Jýsan» gýmanitarlyq operatsiiasynyń jalǵasy bolyp otyr.
9 qazanda elordada ótken Eýropadaǵy qaýipsizdik jáne yntymaqtastyq uiymynyń (EQYU) Aýǵanstan boiynsha jiynynda QR Syrtqy ister ministri Muhtar Tileýberdi Qazaqstannyń Iraktan 14 balany qaitarý baǵytynda jumys júrgizip jatqanyn habarlaǵan.
«Irakta júrgen kishkentai qazaq balalaryn elge alyp kelemiz. Jaqyn arada bolýy kerek. Osy aidyń ishinde. Balalardyń shesheleri sottalyp, túrmede otyr. Sondyqtan, balalary jat elde qalmasyn dep, osyndaǵy týǵan-týystary ótinish bildirdi. Sol balalardy alyp kelemiz. Árine, buqaralyq aqparat quraldary ókilderin áýejaidan kútip alýǵa shaqyramyz», - degen bolatyn Aibek Smadiiarov vedomstvoda ótken brifing barysynda.
