QR Energetika ministrligi Munai tasymaldaý jáne óńdeý departamentiniń direktory Baýyrjan Sálimgereev Ortalyq kommýnikatsiialar qyzmetinde ótken brifingide dizel naryǵyndaǵy tendentsiialar týraly aitty, dep habarlaidy QazAqparat.
Sonymen qatar biyl dizel otynyn tutynýdyń aitarlyqtai ósýi baiqalyp, ásirese tamyzda suranys joǵary boldy. Tutyný kólemi 519 myń tonnaǵa jetti. Bul ótken jylmen salystyrǵanda 84 myń tonna, al 2019 jylmen salystyrǵanda 37 myń tonna artyq. Eldiń ishki naryǵynyń tarihynda bir aidaǵ mundai rekordtyq kórsetkish tirkelip kórgen joq. Qyrkúiektiń birinshi jartysynyń qorytyndysy boiynsha biz tutynýǵa naryǵynda osyndai jaǵdaidy baiqadyq», - dedi departament direktory.
Onyń aitýynsha, tutynýdyń ósýine bir jaǵynan tranzittik júk tasymaldarynyń maýsymdyq ulǵaiýy áser etken.
«Búgingi tańda Qazaqstanda dizel otyny kórshi elderge qaraǵanda arzan. Reseimen salystyrǵanda 90 teńgege, Ózbekstanmen salystyrǵanda 77 teńgege jáne Qyrǵyzstanmen salystyrǵanda 60 teńgege arzan. Aiyrmashylyqtyń joǵary bolýyna bailanysty bizde tranzittik júk kólikteriniń bári bizdiń eldiń aýmaǵynda janarmai quiady. Iri janarma quiý stansalarynyń aqparaty boiynsha, qalalyq stansalar shamamen 70% benzin men 30% dizel otynyn satady, al úzaq joldyń boiyndaǵy ornalasqan stansalarda kerisinshe dizel kóp satylady», - dedi Baýyrjan Sálimgereev.
