Aqparat jáne qoǵamdyq damý ministrligi pandemiia kezinde BAQ úshin salyqsyz rejim aiaqtalǵannan keiin BAQ qyzmetkerlerine dekrettik járdemaqy tóleý máselesi jóninde túsinikteme berdi, dep habarlaidy "Ult aqparat".
Vedomstvonyń málimdeýinshe, jaqynda jýrnalister qaýymdastyǵynyń jekelegen ókilderi pandemiia kezinde BAQ úshin salyqsyz rejim aiaqtalǵannan keiin BAQ qyzmetkerlerine dekrettik járdemaqy tóleý máselesin kótergen.
«Qazirgi ýaqytta Eńbek jáne halyqty áleýmettik qorǵaý ministrligi Aqparat jáne qoǵamdyq damý ministrligimen birlesip Zańnamaǵa tiisti túzetýler ázirlep jatqanyn jáne aǵymdaǵy jyldyń qyrkúiek aiynda olardy QR Parlamenti Májilisine engizý josparlanyp otyrǵanyn habarlaimyz.
Osylaisha, dekrettik járdemaqylardy tóleý máselesin aǵymdaǵy jyldyń sońyna deiin sheshý kózdelip otyr», delingen habarlamada.
Bul másele Aqparat jáne qoǵamdyq damý ministriniń jeke baqylaýynda.
