Indýstriia jáne infraqurylymdyq damý ministrligi (IDM) Qazaqstandaǵy aviaotynǵa qatysty jaǵdai týraly málimdeme jasady, - dep habarlaidy "Ult aqparat" vedomstvonyń baspasóz qyzmetine silteme jasap.
Ministrlik elordalyq áýejai men SCAT áýekompaniiasynyń aviaotynnyń jetispeýshiligi týraly málimdemesine jaýap berdi.
«Pavlodar munai-himiia zaýytyndaǵy jóndeý jumystaryna bailanysty aviaotynnyń ishki naryǵynda áýejailar men áýe kompaniialary úshin aviakerosin óndirýde jáne qamtamasyz etýde belgili bir qiyndyqtar bar. Degenmen turaqty jolaýshylar jáne júk reisteri úzdiksiz qamtamasyz etildi. QR IIDM QR Energetika ministrligimen birlesip, zaýyttardan, jeke kompaniialardan, «QazMunaiGaz-Aero» JShS-dan Pavlodar zaýyty jumysyn qaita bastaǵansha áýe kompaniialary men áýejailarǵa otyn jetkizý kestesin ázirledi», - delingen ministrlik habarlamasynda.
Qazirgi ýaqytta áýejailarda 27,9 myń tonna otyn bar. Oǵan qosa, 9,2 myń tonna zaýyttardan jóneltildi jáne 15,6 myń tonnaǵa kelisimshart jasaldy. Jalpy kólemi – 53 myń tonna.
Qazan aiynyń sońyna deiin munai óńdeý zaýyttary 2 myń tonna aviaotyn shyǵarady. Onyń ishinde Nur-Sultan áýejaiy úshin qosymsha otyn bólinedi. Sondai-aq, SKAT áýe kompaniiasyna Shymkent munai óńdeý zaýytynan qosymsha aviakerosin jetkizý josparlanyp otyr.
«Elorda áýejaiynda 3,1 myń tonna aviakerosin bar. Jaqyn kúnderi 3,9 myń tonna jetkizý josparlanyp otyr. Almaty áýejaiyndaǵy otyn qaldyǵy – 5,4 myń tonna. 4 myń tonna jóneltilip, jolda bara jatyr. 5,8 myń tonnaǵa kelisimshart jasaldy. Eir Astana áýe kompaniiasynda 7,4 myń tonna, SKAT áýe kompaniiasynda 1,7 myń tonna otyn qalǵan. 1,5 myń tonnaǵa kelisimshart jasaldy. Turaqty áýe reisterdi úzdiksiz oryndala beredi», - dep habarlady indýstriia jáne infraqurylymdyq damý ministrligi.
Aita keteiik, buǵan deiin Nursultan Nazarbaev halyqaralyq áýejaiy aviajanarmai tapshylyǵynan áýejaidyń úzdiksiz jumysy toqtaýy múmkin dep dabyl qaqqan bolatyn.
