Jambyl oblysy Baizaq aýdanyndaǵy áskeri bólim aýmaǵynda saqtalǵan oq-dárilerdiń bir bóligi Shyǵys Qazaqstan oblysy Aiagóz qalasyna jetkizilýi múmkin. Bul týraly qorǵanys ministriniń orynbasary Daryn Tuiaqov málimdedi, - dep habarlaidy Tengrinews.kz tilshisi.
"Tolyq baǵdarlama qabyldandy, soǵan sáikes qurylys júrip jatyr. Bul máselemen Indýstriia jáne infraqurylymdyq damý ministrligi ainalysady. Meniń oiymsha, jumys keshendi túrde júrgiziledi. Úkimet tarapynan komissiia jumys isteidi, ony vitse-premer basqarady. Jańa qoimalar salynyp, olarǵa oq-dáriler jetkiziledi", - dedi Tuiaqov májilis aiasynda jýrnalisterdiń suraqtaryna jaýap berip.
Jýrnalister ministr orynbasarynan Taraz mańyndaǵy áskeri bólim oq-dárileri, onyń ishinde Arys qalasyndaǵy áskeri qoimadaǵy jarylystardan keiingi oq-dáriler qaida jetkizilýi múmkin ekenin surady.
"Oǵan arnaiy daiyndalǵan oryndar bar. Qazir sizge tolyq jaýap bermeimin. (...) Ártúrli qoimalarǵa jetkiziledi. Mysaly, Aiagóz nemese basqa. Birneshe qoima bar. Naqty qansha, qaida ekenine jaýap bermeimin", - dedi Tuiaqov.
Eske salaiyq, 2019 jyly maýsymda Arystaǵy áskeri bólimniń qoimasynda birneshe jarylys bolǵan edi.
Al biyl 26 tamyzda, saǵat 19.00 shamasynda Jambyl oblysy Baizaq aýdanynda ornalasqan áskeri bólimdegi qoimalardyń biriniń janynda órt shyqqan. Órt saldarynan anyqtalmaǵan zattar jarylǵan.
Keiin áskeri qoimalarda ne saqtalǵany belgili boldy.
Memleket basshysy Qasym-Jomart Toqaev ta Jambyl oblysynda jarylǵan áskeri qoimalarǵa qatysty pikir bildirgen. Ol jarylys kezinde kimder jaraqat alǵanyn, sondai-aq, qylmystyq is qozǵalǵanyn aityp, Taraz turǵyndaryn sabyrǵa shaqyrdy. Jarylystan jalpy sany 13 adam qaza taýyp, 98 adam jaraqat alǵan edi.
