جامبىل وبلىسى بايزاق اۋدانىنداعى ەسكەري بٶلٸم اۋماعىندا ساقتالعان وق-دەرٸلەردٸڭ بٸر بٶلٸگٸ شىعىس قازاقستان وبلىسى اياگٶز قالاسىنا جەتكٸزٸلۋٸ مٷمكٸن. بۇل تۋرالى قورعانىس مينيسترٸنٸڭ ورىنباسارى دارىن تۇياقوۆ مەلٸمدەدٸ, - دەپ حابارلايدى Tengrinews.kz تٸلشٸسٸ.
"تولىق باعدارلاما قابىلداندى, سوعان سەيكەس قۇرىلىس جٷرٸپ جاتىر. بۇل مەسەلەمەن يندۋسترييا جەنە ينفراقۇرىلىمدىق دامۋ مينيسترلٸگٸ اينالىسادى. مەنٸڭ ويىمشا, جۇمىس كەشەندٸ تٷردە جٷرگٸزٸلەدٸ. ٷكٸمەت تاراپىنان كوميسسييا جۇمىس ٸستەيدٸ, ونى ۆيتسە-پرەمەر باسقارادى. جاڭا قويمالار سالىنىپ, ولارعا وق-دەرٸلەر جەتكٸزٸلەدٸ", - دەدٸ تۇياقوۆ مەجٸلٸس اياسىندا جۋرناليستەردٸڭ سۇراقتارىنا جاۋاپ بەرٸپ.
جۋرناليستەر مينيستر ورىنباسارىنان تاراز ماڭىنداعى ەسكەري بٶلٸم وق-دەرٸلەرٸ, ونىڭ ٸشٸندە ارىس قالاسىنداعى ەسكەري قويماداعى جارىلىستاردان كەيٸنگٸ وق-دەرٸلەر قايدا جەتكٸزٸلۋٸ مٷمكٸن ەكەنٸن سۇرادى.
"وعان ارنايى دايىندالعان ورىندار بار. قازٸر سٸزگە تولىق جاۋاپ بەرمەيمٸن. (...) ەرتٷرلٸ قويمالارعا جەتكٸزٸلەدٸ. مىسالى, اياگٶز نەمەسە باسقا. بٸرنەشە قويما بار. ناقتى قانشا, قايدا ەكەنٸنە جاۋاپ بەرمەيمٸن", - دەدٸ تۇياقوۆ.
ەسكە سالايىق, 2019 جىلى ماۋسىمدا ارىستاعى ەسكەري بٶلٸمنٸڭ قويماسىندا بٸرنەشە جارىلىس بولعان ەدٸ.
ال بيىل 26 تامىزدا, ساعات 19.00 شاماسىندا جامبىل وبلىسى بايزاق اۋدانىندا ورنالاسقان ەسكەري بٶلٸمدەگٸ قويمالاردىڭ بٸرٸنٸڭ جانىندا ٶرت شىققان. ٶرت سالدارىنان انىقتالماعان زاتتار جارىلعان.
كەيٸن ەسكەري قويمالاردا نە ساقتالعانى بەلگٸلٸ بولدى.
مەملەكەت باسشىسى قاسىم-جومارت توقاەۆ تا جامبىل وبلىسىندا جارىلعان ەسكەري قويمالارعا قاتىستى پٸكٸر بٸلدٸرگەن. ول جارىلىس كەزٸندە كٸمدەر جاراقات العانىن, سونداي-اق, قىلمىستىق ٸس قوزعالعانىن ايتىپ, تاراز تۇرعىندارىن سابىرعا شاقىردى. جارىلىستان جالپى سانى 13 ادام قازا تاۋىپ, 98 ادام جاراقات العان ەدٸ.
