Densaýlyq saqtaý ministrligi 2022 jylǵy 14 qańtarda «informburo.kz» instagram-akkaýntynda jariialanǵan Almaty qalasynyń Bas memlekettik sanitarlyq dárigeriniń orynbasary S. Baiǵabylovtyń málimdemesine qatysty pikir bildirdi, dep habarlaidy QazAqparat.
«Almaty qalasy Bas memlekettik sanitarlyq dárigeriniń orynbasary S. Baiǵabylovtyń «Almaty qalasy Memlekettik qyzmet isteri jónindegi departamentti tergeý júrgizý úshin qosý týraly» (S. Baiǵabylovtyń dáieksózi) jýrnalisterge bergen túsiniktemesine qatysty aitqan sózderi jalǵan. Memlekettik qyzmetshilerge qatysty qyzmettik tergep-tekserý júrgizý tártibi Qazaqstan Respýblikasy Prezidentiniń 2015 jylǵy 29 jeltoqsandaǵy №152 Jarlyǵymen bekitilgen «memlekettik qyzmetshilerge tártiptik jaza qoldaný qaǵidalarynda» aiqyndalǵan. Qyzmettik tergep-tekserý júrgizý úshin ózge negizder kózdelmegen», - delingen ministrlik habarlamasynda.
Sonymen qatar vedomstvo basqa adamnyń ar-namysy men qadir-qasietine nuqsan keltiretin nemese onyń bedeline nuqsan keltiretin jalǵan málimetter taratý Qazaqstan Respýblikasynyń qoldanystaǵy zańnamasyna sáikes jaýaptylyqqa ákep soǵatynyn eske saldy. Osyǵan bailanysty, memlekettik organdar Memlekettik qyzmet isteri jónindegi agenttikke durys emes málimetterdi taratý arqyly etikalyq normalardyń buzylýyna bailanysty máselelermen júginýge quqyly.
«Budan basqa, Ministrlik 2022 jylǵy 13 qańtarda «Kazinform» halyqaralyq aqparattyq agenttiginiń paraqshasynda jáne «Baigenews» saitynda Almaty qalasy Bas memlekettik sanitarlyq dárigeriniń orynbasary S.Baiǵabylovtyń taǵaiyndaý boiynsha shatasýshylyq týdyrǵan jariialanymyna teriske shyǵarý jariialady. Osyǵan bailanysty, bul ýáji de shyndyqqa sáikes kelmeidi. Pikirsaiystar ótkizý máselesi boiynsha «Memlekettik qyzmet týraly» QR Zańynda belgilengen talaptarǵa sáikes oryndaý úshin alynǵan basshynyń ókiminiń zańdylyǵyna kúmán týyndaǵan jaǵdaida, memlekettik qyzmetshi bul týraly óziniń tikelei basshysyna jáne ókim bergen basshyǵa jazbasha nysanda dereý habarlaýǵa tiis. Baiandalǵandy eskere otyryp, ministrlik jalǵan aqparat berýden bas tartýǵa jáne halyqtyń sanitariialyq-epidemiologiialyq salamattylyǵy salasyndaǵy laýazymdy adamdardyń basty fýnktsiiasy - adamdardyń ómiri men densaýlyǵyn qorǵaýdy júzege asyrýǵa barlyq kúsh-jigerin jumsaýǵa shaqyrady», - dep atalyp ótken vedomstvo málimetinde.
Aita keteiik, jaqynda Almatynyń bas sanitarlyq dárigeri bolyp Qarlyǵash Ábdijabbarova taǵaiyndaldy.
Osyǵan bailanysty QR Densaýlyq saqtaý ministrligi Almaty qalasy bas sanitar dárigeriniń taǵaiyndalýyna qatysty túsinikteme berdi.
«Sádýaqas Baiǵabylov QR Densaýlyq saqtaý vitse-ministri – Bas memlekettik sanitarlyq dárigeriniń 2021 jylǵy 23 sáýirdegi № 236 qaýlysy qosymshasyna sáikes, Almaty qalasynyń Bas memlekettik sanitarlyq dárigeriniń orynbasary bolyp tabylady jáne Bas memlekettik sanitarlyq dáriger ýaqytsha bolmaǵan kezeńde onyń mindetterin atqarady», - dep jazylǵan DSM málimetinde.
Ministrlik osynyń bárin tize kelip, Almaty qalasynyń Bas sanitar dárigeri Q.Ábdijabbarovany taǵaiyndaýda eshqandai jańylysý jáne sabaqtastyqtyń bolmaýy joqtyǵyn málimdedi.
