Almatydaǵy sport kolledji jabylady. Osyǵan qatysty QR Mádeniet jáne sport ministrligi resmi túsinik berdi, dep habarlaidy QazAqparat.
«Sport kolledjin jabý sheshimi álemdik tájiribege súiene otyryp qabyldandy. Búginde Almatyda 2 respýblikalyq jáne 1 qalalyq sport mektep-internaty bar. Kolledjde bilim alyp jatqan stýdentter osy atalǵan sport mektepterine aýystyrylady. Eshkim oqýsyz nemese jumyssyz qalmaidy. Atalǵan jait ministrlik, komitet tarapynan aldyn ala qarastyryldy», - dedi QR Mádeniet jáne sport ministrligi sport jáne dene shynyqtyrý isteri komitetiniń tóraǵasy Samat Erǵaliev ortalyq kommýnikatsiialar qyzmeti alańynda ótken baspasóz máslihatynda.
Sport komiteti basshysynyń málimdeýinshe, atalǵan kolledjdiń aýmaǵynda jańa sporttyq nysan paida bolmaq.
«Jabylatyn sport kolledjiniń aýmaǵynda Úkimet tarapynan qoldaý bolsa, sporttyq modýldik infraqurylym salý jospary bar. Ol jerde sportshylar tiisti deńgeide jattyǵý múmkindigine ie bolady. Al bapkerlerge kelsek, olar da jumyssyz qalmaidy. Bapkerler «Shańyraq» jáne Káken Ahmetov atyndaǵy sport mektebi internatyna barady. Al kei bapkerler qalalyq sport mektepterinde jumysyn jalǵastyrmaq», - deidi ol.
