Nur-Sultanda jurttyń kózinshe ózin órtep jibergen áieldiń densaýlyǵy belgili boldy, dep habarlaidy Sputnik Qazaqstan.
Nur-Sultannyń densaýlyq saqtaý basqarmasynyń habarlaýynsha, 1990 jyly týǵan áiel jedel járdem kóligimen 1 kópbeiindi qalalyq aýrýhanaǵa jetkizildi.
"Palataǵa túsken kezde ony kombýstiolog, reanimatolog, toksikolog, terapevt mamandary qarap shyqty. Naýqastyń jaǵdaiyn eskerip, kúiik shogy, kúiik pen jaralardyń tereńdigi bar bolǵandyqtan ony reanimatsiia bólimine jatqyzdy", - dep habarlady basqarmadaǵylar.
Qazir áiel tolyq meditsinalyq kómek alyp otyr. Ol OARIT meditsina qyzmetkerleriniń baqylaýyna alynǵan. Onyń densaýlyǵy áli de aýyr dep baǵalanyp otyr.
Aita keteri, 11 sáýirde elordada Mudarabah Capital qarjy piramidasyna 20 million teńge salǵan áiel jurttyń kózinshe ózin órtep jiberdi.
Ishki ister ministrliginiń ǵimaratyna áiel jáne alaiaqtardyń basqa qurbandary tergeý obektivti túrde júrgizilmei otyrǵanyn aityp barǵan.
Mudarabah Capital qarjy piramidasy 2020 jyly qurylǵan, ony tanymal vinerler Meiirjan Tórebaev, Meiirhan Sherniiazov jáne Ázimjan Saidbaev jarnamalaǵan. Keiinirek Saidbaevqa izdeý jariialandy.
Almaty politsiia departamenti bul qylmystyq is boiynsha 14 adam kúdikti dep tanylyp, onyń ekeýine halyqaralyq izdeý jariialanǵanyn habarlady.
