Foto: gov.kz
Biyl Ulttyq biryńǵai testileýge bailanysty birqatar jańashyldyq engiziledi. Bul týraly brifing barysynda Ǵylym jáne joǵary bilim ministrligi ókilderi málimdedi, - dep habarlaidy Tengrinews.kz saity.
Ǵylym jáne joǵary bilim vitse-ministri Qýanysh Erǵaliev testileý formatynda ózgeris joq ekenin, oqýshylar burynǵydai bes pánnen test tapsyratynyn, onyń ishinde úsh mindetti pán, eki beiindi pán bar ekenin aitty. Al barlyq suraq sany - 120. Alaida Qazaqstan tarihy men Oqý saýattylyǵy pánderiniń test tapsyrmasy sanyna bailanysty ózgeris engizilgen eken.
"Basty jańashyldyqtarǵa keletin bolsaq, Qazaqstan tarihy jáne Oqý saýattylyǵy pánderi boiynsha test tapsyrmalarynyń sanyna bailanysty ózgerister engizildi. Qazaqstan tarihynyń bir nusqasynda 20 test tapsyrmasy bolady, al Oqý saýattylyǵynda 15 test suraǵy bolady. Biyldan bastap informatika UBT beiindi pánder kombinatsiia tizimine engizildi. Osyǵan bailanysty informatika muǵalimderin daiarlaý, aqparattyq tehnologiialar siiaqty baǵdarlamalar toptaryna matematika - informatika kombinatsiiasyn tapsyrady. Shekti balda ózgeris bolmaidy", - dedi vedomstvo ókili.
Ulttyq testileý ortalyǵynyń direktory Rýslan Emelbaevtyń aitýynsha, biyl oqýshylardyń 10 paiyzy osy jańa pánder kombinatsiiasyn (matematika - informatika - esk.) tańdap otyr.
"Alǵash ret biyl Qazaq ádebieti jáne Orys ádebieti pánderinen kezdesetin shyǵarmalardyń tizimin jariialadyq", - dedi UTO direktory UBT-ǵa daiyndyq barysy týraly.
Sondai-aq, test kezinde informatika pánin tapsyratyndar úshin úsh tilde terminder aýdarmasy usynylady. Al periodtyq keste men kalkýliator ekranda kórsetiledi.
