Májilismen Janarbek Áshimjan depýtattardyń aldyna daiyndyqsyz keletin, qoiylǵan saýaldarǵa tolyq jaýap bere almaityn Úkimet múshelerin synǵa aldy, dep habarlaidy Ulysmedia.kz.
«Biz osy máselege qatysty depýtattar tarapynan narazylyq bildirgenbiz. Byltyr da osylai bolǵan. Óitkeni, olardyń kóbi oryssha aitqanda «otpiska» úshin kelip, jaýap beredi. Jyldyń basynda Úkimetke kóńilimiz tolmaitynyn palata otyrysynda da aittyq. Olar Májilis jiynyna daiyndyqsyz keledi. Memlekettik tilge shorqaq, naqty qoiylǵan suraqtarǵa jazbasha jaýap berýge ruqsat suraidy», – dedi depýtat.
Janarbek Áshimjan Parlamenttegiler bul máselege qatysty birneshe márte eskertý jasaǵanyn eske saldy.
«Bir-birimizge hat jazyp otyra bersek, jumys bitpeidi ǵoi. Osy máselege qatysty depýtattar tarapynan narazylyq boldy. Alaida bul másele jolǵa qoiylyp kele jatyr», - dedi depýtat.
