مەجٸلٸسمەن جاناربەك ەشٸمجان دەپۋتاتتاردىڭ الدىنا دايىندىقسىز كەلەتٸن, قويىلعان ساۋالدارعا تولىق جاۋاپ بەرە المايتىن ٷكٸمەت مٷشەلەرٸن سىنعا الدى, دەپ حابارلايدى Ulysmedia.kz.
«بٸز وسى مەسەلەگە قاتىستى دەپۋتاتتار تاراپىنان نارازىلىق بٸلدٸرگەنبٸز. بىلتىر دا وسىلاي بولعان. ٶيتكەنٸ, ولاردىڭ كٶبٸ ورىسشا ايتقاندا «وتپيسكا» ٷشٸن كەلٸپ, جاۋاپ بەرەدٸ. جىلدىڭ باسىندا ٷكٸمەتكە كٶڭٸلٸمٸز تولمايتىنىن پالاتا وتىرىسىندا دا ايتتىق. ولار مەجٸلٸس جيىنىنا دايىندىقسىز كەلەدٸ. مەملەكەتتٸك تٸلگە شورقاق, ناقتى قويىلعان سۇراقتارعا جازباشا جاۋاپ بەرۋگە رۇقسات سۇرايدى», – دەدٸ دەپۋتات.
جاناربەك ەشٸمجان پارلامەنتتەگٸلەر بۇل مەسەلەگە قاتىستى بٸرنەشە مەرتە ەسكەرتۋ جاساعانىن ەسكە سالدى.
«بٸر-بٸرٸمٸزگە حات جازىپ وتىرا بەرسەك, جۇمىس بٸتپەيدٸ عوي. وسى مەسەلەگە قاتىستى دەپۋتاتتار تاراپىنان نارازىلىق بولدى. الايدا بۇل مەسەلە جولعا قويىلىپ كەلە جاتىر», - دەدٸ دەپۋتات.
