3 qazan kúni Qazaqstan mektepterinde «Eko-saǵat» keń kólemdi aktsiiasy bastalady. Bul týraly QR Ekologiia, geologiia jəne tabiǵi resýrstar ministri Maǵzum Myrzaǵaliev aitty, dep habarlaidy "Ult aqparat".
«Dostar, osy beisenbide elimizdiń barlyq mektepterinde «Eko-saǵat» atty fakýltativ oqytyla bastaitynyn qýana habarlamaqpyn. Bul kún kezdeisoq tańdalǵan joq. 3 qazanda Dúniejúzilik mekendeý ornyn qorǵaý kúni atalyp ótedi«, - dep jazdy ministr Twitter-degi óz paraqshasynda.
Aktsiiaǵa Ministrler kabinetiniń barlyq músheleri, óńir ákimderi qatysady. Olar respýblika mektepterinde sabaq ótkizip, keiin oqýshylarǵa aǵash otyrǵyzýǵa kómektesedi.
«Barlyǵy 200 myńnan astam aǵash otyrǵyzylmaq. Qazaqstanda «eko-saǵat» ótkizý dástúrge ainalyp, halyqty ekologiialyq turǵyda tárbieleýge edáýir úles qosady dep senemin», - dedi vedomstvo basshysy.
Jospar boiynsha, aktsiiaǵa Qazaqstandaǵy 6 myń mektep pen 2 mln oqýshy qatysady.
