3 قازان كٷنٸ قازاقستان مەكتەپتەرٸندە «ەكو-ساعات» كەڭ كٶلەمدٸ اكتسيياسى باستالادى. بۇل تۋرالى قر ەكولوگييا, گەولوگييا جəنە تابيعي رەسۋرستار مينيسترٸ ماعزۇم مىرزاعاليەۆ ايتتى, دەپ حابارلايدى "ۇلت اقپارات".
«دوستار, وسى بەيسەنبٸدە ەلٸمٸزدٸڭ بارلىق مەكتەپتەرٸندە «ەكو-ساعات» اتتى فاكۋلتاتيۆ وقىتىلا باستايتىنىن قۋانا حابارلاماقپىن. بۇل كٷن كەزدەيسوق تاڭدالعان جوق. 3 قازاندا دٷنيەجٷزٸلٸك مەكەندەۋ ورنىن قورعاۋ كٷنٸ اتالىپ ٶتەدٸ«, - دەپ جازدى مينيستر Twitter-دەگٸ ٶز پاراقشاسىندا.
اكتسيياعا مينيسترلەر كابينەتٸنٸڭ بارلىق مٷشەلەرٸ, ٶڭٸر ەكٸمدەرٸ قاتىسادى. ولار رەسپۋبليكا مەكتەپتەرٸندە ساباق ٶتكٸزٸپ, كەيٸن وقۋشىلارعا اعاش وتىرعىزۋعا كٶمەكتەسەدٸ.
«بارلىعى 200 مىڭنان استام اعاش وتىرعىزىلماق. قازاقستاندا «ەكو-ساعات» ٶتكٸزۋ دەستٷرگە اينالىپ, حالىقتى ەكولوگييالىق تۇرعىدا تەربيەلەۋگە ەدەۋٸر ٷلەس قوسادى دەپ سەنەمٸن», - دەدٸ ۆەدومستۆو باسشىسى.
جوسپار بويىنشا, اكتسيياعا قازاقستانداعى 6 مىڭ مەكتەپ پەن 2 ملن وقۋشى قاتىسادى.
