Sýret ashyq derekkózden alyndy
Eńbek jáne halyqty áleýmettik qorǵaý ministri Tamara Dúisenova jastarǵa arnalǵan grantqa qandai biznes ashylyp jatqanyn aitty, dep habarlaidy Sputnik Qazaqstan agenttigi.
Ministrdiń sózinshe, 2,5 paiyzdyq kredit 35 jasqa deiingi adamdarǵa ǵana beriledi. Olar zań boiynsha jastar sanatyna jatady. Jumysy bar ma, joq pa, oǵan qaramaidy.
"Ondai kreditter jumys isteitin, istemeitin jáne oqityn jastarǵa beriledi. Eshqandai shekteý bolmaidy. Byltyr jergilikti atqarýshy organdar jaqsy tájiribe ótkizdi. Aldymen konkýrs uiymdastyrylady. Árbir adam óziniń biznes-josparyn tanystyrady. Qoldaý tapsa, aqsha bólinedi", - dedi Dúisenova ortalyq kommýnikatsiialar qyzmetinde ótken onlain brifingte.
Onyń sózine qaraǵanda, kredit naqty bir salaǵa arnalmaǵan. Ony alǵysy keletin adam kez kelgen biznes asha alady. Basty talap – suranystyń bolýy.
"Mysaly, Qyzylorda oblysynyń Shieli aýdanynda boldym. Ol jaqta bir qyz jumys isteitin adamdar jartylai fabrikattardy kóp alatynyn kórip, sondai taýar shyǵarýǵa usynys jasady. Qazir tort ta, tushpara da shyǵaryp satady. Bas kezinde eki adamy boldy, artynan taǵy tórt jumysshy qosyldy. Al Ulytaý oblysynda jas jigitter kóshpeli kinoteatr uiymdastyrdy. Oǵan da kredit bólindi", - dep atap kórsetti Dúisenova.
Aita keteri, osy bastamany iske asyrýǵa biýdjetten 28 milliard teńge bólindi. Múmkindigi shekteýli azamattarǵa kredit óteýsiz beriledi.
