سۋرەت اشىق دەرەككٶزدەن الىندى
ەڭبەك جەنە حالىقتى ەلەۋمەتتٸك قورعاۋ مينيسترٸ تامارا دٷيسەنوۆا جاستارعا ارنالعان گرانتقا قانداي بيزنەس اشىلىپ جاتقانىن ايتتى, دەپ حابارلايدى Sputnik قازاقستان اگەنتتٸگٸ.
مينيستردٸڭ سٶزٸنشە, 2,5 پايىزدىق كرەديت 35 جاسقا دەيٸنگٸ ادامدارعا عانا بەرٸلەدٸ. ولار زاڭ بويىنشا جاستار ساناتىنا جاتادى. جۇمىسى بار ما, جوق پا, وعان قارامايدى.
"ونداي كرەديتتەر جۇمىس ٸستەيتٸن, ٸستەمەيتٸن جەنە وقيتىن جاستارعا بەرٸلەدٸ. ەشقانداي شەكتەۋ بولمايدى. بىلتىر جەرگٸلٸكتٸ اتقارۋشى ورگاندار جاقسى تەجٸريبە ٶتكٸزدٸ. الدىمەن كونكۋرس ۇيىمداستىرىلادى. ەربٸر ادام ٶزٸنٸڭ بيزنەس-جوسپارىن تانىستىرادى. قولداۋ تاپسا, اقشا بٶلٸنەدٸ", - دەدٸ دٷيسەنوۆا ورتالىق كوممۋنيكاتسييالار قىزمەتٸندە ٶتكەن ونلاين بريفينگتە.
ونىڭ سٶزٸنە قاراعاندا, كرەديت ناقتى بٸر سالاعا ارنالماعان. ونى العىسى كەلەتٸن ادام كەز كەلگەن بيزنەس اشا الادى. باستى تالاپ – سۇرانىستىڭ بولۋى.
"مىسالى, قىزىلوردا وبلىسىنىڭ شيەلٸ اۋدانىندا بولدىم. ول جاقتا بٸر قىز جۇمىس ٸستەيتٸن ادامدار جارتىلاي فابريكاتتاردى كٶپ الاتىنىن كٶرٸپ, سونداي تاۋار شىعارۋعا ۇسىنىس جاسادى. قازٸر تورت تا, تۇشپارا دا شىعارىپ ساتادى. باس كەزٸندە ەكٸ ادامى بولدى, ارتىنان تاعى تٶرت جۇمىسشى قوسىلدى. ال ۇلىتاۋ وبلىسىندا جاس جٸگٸتتەر كٶشپەلٸ كينوتەاتر ۇيىمداستىردى. وعان دا كرەديت بٶلٸندٸ", - دەپ اتاپ كٶرسەتتٸ دٷيسەنوۆا.
ايتا كەتەرٸ, وسى باستامانى ٸسكە اسىرۋعا بيۋدجەتتەن 28 ميلليارد تەڭگە بٶلٸندٸ. مٷمكٸندٸگٸ شەكتەۋلٸ ازاماتتارعا كرەديت ٶتەۋسٸز بەرٸلەدٸ.
