Bul týraly Aqparat jáne qoǵamdyq damý ministri Aida Balaeva «ALJIR» memorialdy-murajai kesheninde jas tarihshylarmen kezdesý barysynda aitty, dep habarlaidy Baq.kz agenttigi.
Ministr ataǵandai, barlyǵynda birdei durys pikir qalyptastyryp, durys joldy alyp júrý jolyndaǵy ról óte aýqymdy.Bizde birjaqty qoǵam emes. Qoǵamnyń kóptegen tarapy bar. Onyń barlyǵy óz pikirin bildirgende jastar alýan túrli pikirdiń ishinde tarihi maǵlumat ne bolmasa tarihi aqiqatqa kóz jetkize almai jatady. Áli kúnge deiin Keńes úkimetin ańsap, soǵan qaita oralýdy qalaityn azamattar da joq emes, - dedi Balaeva.
Osy oraida ministr «100 jańa esim» baiqaýynyń jeńimpazyn mysalǵa aldy.Onyń ishinde aqparat quraldary jastarǵa qyzyqty basqa formattaǵy dúnielerdi usynýy kerek. Zertteýler kórsetkendei, telearnalardan qansha jaýdyryp kórsetkenimen jastar ol formattaǵy baǵdarlamalardy kórmeidi. Ony ǵylymda júrgen ne bolmasa memlekettik qyzmette júrgen 30-dan asqan azamattar kórýi múmkin. Al jappai jastar bizdiń arnaiy jasalyp jatqan baǵdarlamalardy ókinishke qarai kórmeidi. Sondyqtan bizdiń qazirgi maqsatymyz - osy. Sana tanymdyq jáne aǵartý baǵdarlamalarynan ózgeredi, - dedi ol.
Baiqaýǵa qatysqan jigit Japoniiaǵa ketkeli jatqan jerinen himiia pánin tiktok-ta úiretý arqyly óziniń basqa jolyn tapty. Biz de sondai joldardy oilastyrýymyz kerek. Qazir jastarymyz jaman emes. Olardyń rýhy da, namysy da, oiy men jigeri de bar. Biraq biz óziniń tarihyn biletin jáne bolashaqqa oi tastaityn jastardy qalyptastyrýymyz kerek. Osy kezdesýdiń usynysy retinde tarihi turǵydaǵy jastarǵa arnalǵan arnaiy baǵdarlamalar men jobalardy kóbeitý máselesin qarastyraiyq, - dedi Aida Balaeva.
