Ekologiia, geologiia jáne tabiǵi resýrstar ministri Maǵzum Myrzaǵaliev janýardy qasaqana óltirgenderge qandai jaza qoldanylatynyna qatysty tilshilerdiń suraǵyna jaýap berdi, dep habarlaidy "Ult aqparat".
«Janýarlarǵa jaýapkershilikpen qaraý týraly» zań jobasy jalpy janýarlarǵa adamgershilikpen ári jaýapty túrde qaraý máselelerin retteidi», - dedi Maǵzum Myrzaǵaliev Úkimettiń baspasóz ortalyǵynda ótken brifing barysynda.
Onyń aitýynsha, janýarlarǵa qatygezdik jasaǵandarǵa jazany kúsheitý úshin Ákimshilik jáne Qylmystyq kodeksterge ózgeris engiziledi.
«Tiisti ózgerister Parlamentte ázirlenedi. Biraq aldyn ala aitarym, iá, mundai normalar qarastyrylýda. Qylmystyq zańnamaǵa sáikes qazir ondai adamdarǵa qandai jaza taǵaiyndalatynyn aitý qiyn. Sebebi qujat áli de talqylanýy kerek», - dedi ol.
