QR Tsifrlyq damý, innovatsiialar jáne aeroǵarysh ónerkásibi ministri Asqar Jumaǵaliev adam densaýlyǵyna uialy bailanys antennalarynyń áseri týraly pikir bildirdi, dep habarlaidy QazAqparat.
«Adam densaýlyǵyna uialy bailanys antennalarynyń áseri taqyrybyna toqtalsaq, eshbir antenna tiisti memlekettik organnyń ruqsatynsyz ornatylmaidy», - dedi A. Jumaǵaliev Ortalyq kommýnikatsiialar qyzmetinde.
Onyń sózine qaraǵanda, árbir bazalyq stantsiia úshin tiisti sanitarlyq pasport beriledi.
«Turǵyn úidiń ústine uialy bailanys antennasy mindetti sanitarlyq aýmaq talaptaryna sáikes ornatylady. Sondyqtan turǵyndarǵa alańdaýdyń reti joq», - dedi ministr.
Sonymen qatar, A. Jumaǵaliev Qazaqstanda 5G joǵary jyldamdyqty internetti iske qosý jumystaryn qarjylandyrý máselesi týraly túsindirdi.
Aita keteiik, Nur-Sultan, Almaty jáne Shymkent qalalarynda 5G pilottyq jobasy iske asyryldy.
«Jabdyqtar jumysy internetti óte joǵary jyldamdyqta taratý múmkindigin kórsetti. Osy baǵytqa biýdjetten qarjy eskerilmegen, sebebi telekommýnikatsiia jelilerin damyt
