QR Aqparat jáne qoǵamdyq damý ministri Dáýren Abaev ulttyq qaýipsizdik úshin engizilgen sharalarǵa túsinik berdi, dep habarlaidy "Ult aqparat".
«Keshe Memleket basshysy Qasym-Jomart Toqaev áskeri mindetti azamattardy arnaýly jiyndarǵa shaqyrý týraly qaýlysy shyqty. Búgin Nur-Sultan jáne Almaty qalalarynda jumys isteitin kúnder ýaqyty 13 sáýirge deiin uzartyldy, Koronavirýs juqtyrǵandardyń statistikasy únemi jańarýda. Indet elimizdiń túgelge jýyq óńirine taraldy. Sondyqtan birqatar óńirlerde karantin talaptary kúsheitildi. Munyń barlyǵy azamattar úshin moraldyq-emotsiialyq turǵyda ońai emes ekenin bilemiz. Sol úshin qazir eń bastysy, sabyr saqtaý jáne moiymaý. Aǵaiyn, umytpaiyq – bul ýaqytsha ǵana qiyndyq. Biz ony jeńemiz!», - dedi ministr «Habar 24» telearnasynyń tikelei efirinen.
Osy oraida ol bul sharalar qaýipsizdik maqsatynda iske asyrylyp jatqanyn eske saldy.
«Bul sheshimniń barlyǵy ulttyq qaýipsizdik úshin qajet sharalar. Basty maqsat – eldiń qaýipsizdigi. Sondyqtan aitylǵan talaptardy qatań saqtaý kerek. Qoǵam amandyǵynyń basty sharty osy», - dedi Dáýren Abaev.
Eske sala keteiik, biyl 2 sáýir kúni Qazaqstan Prezidenti áskeri mindettilerdi arnaýly jiynǵa shaqyrý týraly jarlyq shyǵardy.
Sonymen qatar, Nur-Sultan men Almatyda jumyssyz rejim bir aptaǵa uzartyldy, Shymkentte karantin engizildi.
