Búgin qazaqstandyqtar Ulttyq baspasóz kúnin atap ótýde. ótken jyly Úkimet qaýlysymen 2 aqpan – Ulttyq basylym kúni bolyp bekitilgen bolatyn. Osy oraida Mádeniet jáne aqparat ministri Aida Balaeva ataýly kúnmen quttyqtady, – dep habarlaidy «Ult aqparat».
«Barsha áriptesterimdi Ulttyq basylym kúnimen quttyqtaimyn!
Qazaq baspasóziniń taǵylymǵa toly tarihynda bul kúnniń mańyzy bólek. Sebebi dál osy kúni Álihan Bókeihanuly, Ahmet Baitursynuly, Mirjaqyp Dýlatuly sekildi ult ziialylarynyń esimimen ushtasyp jatqan «Qazaq» gazetiniń alǵashqy sany jaryq kórdi. Sondyqtan, ótken jyly Úkimet qaýlysymen 2 aqpan – Ulttyq basylym kúni bolyp bekitilýiniń ózindik simvoldyq máni bar dep bilemiz.
Ult múddesin qorǵaýda ulttyq-saiasi minberge ainalǵan «Qazaq» gazeti bolashaqqa degen uly murat jolynda barsha halyqtyń basyn biriktirdi. Ulttyq birlik pen yntymaqtyń eren úlgisin kórsetip, qazaq qoǵamynnyń rýhani kemeldenýine airyqsha yqpal etti.
Memleket basshysy «Otandyq baspasóz elimizdiń tutastyǵy men tatýlyǵyn nyǵaitý jolynda eleýli ról atqarady» dep atap ótkenindei, baspasóz qashan da ulttyń úni, memlekettigimizdiń tuǵyry ispetti.
Mádeniet jáne aqparat ministrligi merzimdi basylymdarǵa udaiy qoldaý kórsetip keledi.
1991 jyly elimizde tek 10 respýblikalyq gazet pen jýrnal jaryq kórip, 21 tele jáne radioarna efirge shyqsa, 2024 jylǵy qańtardaǵy esep boiynsha Qazaqstanda 5 804 BAQ tirkelgen, onyń 3 985 – i merzimdi baspasóz basylymy, 212-i telearna, 90-y radio, 1 222-i aqparattyq agenttikter jáne jelilik basylymdar.
Gazet-jýrnaldarǵa jazylý isi de ońtailandyrylyp, "Qazposhta" jáne Kaspi Bank qosymshalary arqyly onlain-jazylý jumystary júielendi.
Ótken jyly aimaqtardaǵy merzimdi basylymdarynyń jumys deńgeiin arttyrý maqsatynda uiymdastyrylǵan óńirlik BAQ forýmy biyl da jalǵasyn tabady.
Álemde bolyp jatqan jańa trendterge qaramastan, merzimdi basylymdardyń jóni bólek, mańyzy erekshe. Sol sebepti, ulttyq mediany damytý, básekege qabiletti buqaralyq aqparat quraldaryn qalyptastyrý, jýrnalisterdiń mártebesin arttyrý – negizgi maqsattarymyzdyń biri. Aldaǵy ýaqytta osy baǵytta bárimiz birlese jumys istei beremiz dep oilaimyn.
Sondyqtan osy salaǵa qatysy bar barsha qyzmetkerlerdi Ulttyq baspasóz kúnimen taǵy da quttyqtaimyn! Sizderge shyǵarmashylyq tabys pen sarqylmas shabyt tileimin!», – dedi ministr.
