Turǵyndar men áleýmettik nysandar elektr energiiasynan ajyratylmaidy. Bul týraly Jambyl oblysynda ótken kóshpeli keńes barysynda energetika ministri Maǵzum Myrzaǵaliev aitty, dep habarlaidy Sputnik Qazaqstan.
Ministr elektr energiiasymen qamtamasyz etýshi kompaniialar men uiymdar osyndai tapsyrma berdi.
"Ádette elektr energiiasy men qýattyń tapshylyǵy keshki maksimaldy tutyný saǵattarynda belgilenedi. Biraq aimaq turǵyndary, aýrýhanalar men mektepter siiaqty áleýmettik nysandar elektr jaryǵynsyz qalmaýy kerek. Energetika ministrligi mundai sharalarǵa úzildi-kesildi qarsy", - dedi Maǵzum Myrzaǵaliev.
Osyǵan bailanysty energetika ministri "KEGOK" AQ-na, energiia berýshi jáne energiiamen jabdyqtaýshy uiymdarǵa atomdyq jáne energetikalyq qadaǵalaý men baqylaý komitetimen birlesip apta sońyna deiin taldaý júrgizýdi jáne turmystyq tutynýshylardy úzdiksiz elektrmen jabdyqtaýdy qamtamasyz etý boiynsha sharalar qabyldaýdy tapsyrdy.
Jambyl GRES-iniń qýaty artady
Sonymen qatar Ministr Jambyl GRES-iniń 4 jáne 5-shi blogyn qalpyna keltirýge kirisý mindetin qoidy, bul bolashaqta elektr energiiasyn óndirýdi ulǵaitýǵa múmkindik beredi.
Qazaqstannyń energiia tapshylyǵy bar ońtústik aimaǵynda elektr energiiasyn tutyný biyl 12%-ke ósti. Tutynýdyń ósýine bailanysty "KEGOC" AQ 500 kV tranzitin soltústik-ońtústik baǵytynda artyq júkteme túsedi, elektr energiiasyn generatsiiasy men tutynýdyń teńgerimsizdigi paida bolady. Elektr energiiasyn óndirý múmkindigine qaraǵanda tutyný artyq. Osyǵan bailanysty Jambyl GRES rezervteri paidalanýǵa beriledi.
Ministr 30 qazanda "Jambyl GRES" AQ-ynyń elektr energiiasyna shekti tarifteri bekitilgenin habarlady.
Júielik operator kún saiyn energiia berýshi jáne energiiamen jabdyqtaýshy uiymdardy qosa alǵanda, elektr energiiasynyń kóterme saýda naryǵynyń sýbektileri tarapynan elektr energiiasyn tutynýdyń táýliktik kestesinen aýytqýlar men buzýshylyqtardy tirkeidi.
