Prezident Qasym-Jomart Toqaev Energetika ministri Bolat Aqsholaqovty qabyldady, - dep habarlaidy "Ult aqparat" Aqorda saityna silteme jasap.
Memleket basshysyna elimizdiń otyn-energetika keshenin damytýdyń negizgi kórsetkishteri, sondai-aq Kaspii qubyr konsortsiýmynda (KQK) qalyptasqan jaǵdaiǵa bailanysty qabyldanǵan sharalar jóninde esep berildi.
Energetika ministri Prezidentke gaz salasyn damytýdyń keshendi josparynyń pysyqtalý barysy týraly baiandady. Atalǵan jospar halyqtyń áleýmettik jaǵdaiy tómen toptary úshin baǵany ustap turýdy eskere otyryp, suiytylǵan gazǵa baǵa belgileý isin jetildirýdi, resýrstar bazasyn ulǵaitýdy, óńirlerdi odan ári gazben qamtamasyz etýdi, Qazaqstannyń gaz tasymaldaý júiesin jańǵyrtýdy jáne keńeitýdi kózdeidi.
Qasym-Jomart Toqaev Energetika ministrine elimizdegi jylý energetikalyq nysandarda apattardyń jiilep ketýine, atap aitqanda, Petropavldaǵy ekinshi JEO-daǵy jaǵdaiǵa qatysty máselemen ainalysýdy tapsyrdy.
