© Photo: QR TJM
Ekologiia jáne tabiǵi resýrstar ministri Erlan Nysanbaev biyl Semei ormanynda bolǵan alapat órttiń sebebin atady, dep habarlaidy Sputnik Qazaqstan.
Ministr biyl jazda Semei ormanyndaǵy alapat órtten orman salasynyń 15 qyzmetkeri qaza tapqanyn eske saldy.
"Úlken alqapta bolǵan órttiń birden bir sebebi – tabiǵatty qorǵaý jáne orman sharýashylyǵy mekemelerin tehnikamen qamtamasyz etýdiń tómen deńgeii. Atap aitqanda 70 protsent deńgeiinde ǵana qamtamasyz etilgen. Qoldanystaǵy tehnikalardyń 60 paiyzy esepten shyǵarýǵa jatady", - dedi Nysanbaev ortalyq kommýnikatsiialar qyzmetinde ótken baspasóz máslihatynda.
Aitýynsha, biyl qalyptasqan jaǵdaidy durystaý maqsatynda tehnikany jańartýǵa 13 mlrd 400 mln teńge bólindi. Jyl sońyna deiin tabiǵatty qorǵaý mekemelerine 29 órt sóndirý avtomashinasy, 59 orman órt sóndirý shaǵyn kesheni, 151 traktor, 58 patrýldik kólik jetkiziledi.
"Onyń ishinde Semei ormanyna 10 órt sóndirý mashinasy, 14 órt sóndirý shaǵyn kesheni, 8 órt sóndirý pritsepi jetkiziledi", - dep atap ótti vedomstvo basshysy.
Budan bólek Úkimet rezervinen órtke qarsy 4 400 kiim satyp alýǵa 918 mln teńge bólingen.
Ministrdiń aitýynsha, bes jylda úkimet qabyldaǵan azamattyq qorǵaýdyń keshendi josparyna sáikes, tabiǵat qorǵaý jáne orman sharýashylyǵy mekemelerin jaraqtandyrýǵa 68 mlrd teńge bólý kózdelip otyr.
