QR Indýstriia jáne infraqurylymdyq damý ministri Qaiyrbek Óskenbaev Úkimet otyrysynda Reseiden ketip jatqan sheteldik kompaniialardy Qazaqstanǵa tartý týraly málimet berdi, dep habarlaidy QazAqparat.
«Búgingi tańda bizde, Resei Federatsiiasymen aradaǵy ónerkásiptik kooperatsiia sheńberinde jalpy quny 22,2 mlrd AQSh dollaryn quraityn 24,9 myń jumys ornyn qurýǵa múmkindik beretin 62 joba bar.
444 mln AQSh dollaryna 3,6 myń jumys orny bar 14 joba iske asyryldy. 11,5 mlrd AQSh dollaryna 4,9 myń jumys ornyn quratyn 11 joba iske asyrylyp jatyr. 1,4 mlrd AQSh dollaryna 3,7 myń jumys ornyn quratyn 14 joba pysyqtalýda», - dedi vedomstvo basshysy.
Sondai-aq, ol Prezidentiń Resei naryǵynan ketip jatqan kompaniialarǵa Qazaqstanda qolaily jaǵdai jasaý týraly tapsyrmasyna toqtaldy.
«Ishinara relokatsiiany eskere otyryp, 8,9 mlrd AQSh dollaryna 12,6 myń jumys ornyn quratyn 23 joba pysyqtalýda. Barlyq jobalar orta jáne joǵarǵy qaita bólinistegi taýarlardy shyǵarýǵa baǵyttalǵan», - dedi Qaiyrbek Óskenbaev.
