Ishki ister ministri Qalmuhanbet Qasymov politsiia qyzmetkerleriniń jańa kiim úlgisine qatysty túsinik berdi, dep habarlaidy "Ult aqparat".
«Biz politsiia qyzmetkerleriniń jańa kiim úlgisimen bir jyl boiy ainalysyp kelemiz. Al ǵalamtorda paida bolǵan kiim úlgileri bizge qatysy joq, sebebi politsiialardyń jańa formasyn eshkimge kórsetken joqpyz», - dedi ministr Senatta tilshiler saýalyna jaýap bere otyryp.
Onyń aitýynsha, politseilerdiń qazirgi formasy kóp jaǵdaida yńǵaisyz bolady, iaǵni keńselik kiim úlgisinde tigilgen. Jalpy, osy formany jańartýǵa qatysty pikirdi politseiler sońǵy 4-5 jyldan beri aityp keledi.
«Sondyqtan ishki ister organdary qurylymdarynan usynystar qabyldadyq. Sáikesinshe, patrýldik politseiler de kiim úlgisine tiisti ózgerister engizýdi surady. Máselen, beldikti taqqan kezde, qarýdy alyp júrý yńǵaisyzdyq týdyrady. Sonymen qatar,elimizdegi klimattyq jaǵdaidy da nazarǵa alyp otyrmyz. Naqty kiim úlgisin daiyndaǵannan keiin, ony jalpy talqylaýǵa shyǵarmaqpyz. Osy kiim úlgisin daiyndaýda 98 paiyz úlesi otandyq kásiporyndarǵa tiesili bolady», - dedi Q. Qasymov.
Budan buryn habarlanǵandai, jańǵyrtý aiasynda qyzmetkerlerdiń jańa kiim úlgisi engiziledi. Bul kiim úlgisi kúndelikti kiiýge qolaily jáne qazirgi zaman talabyna sai bolady.
