Qazaqstan eńbek jáne halyqty áleýmettik qoldaý ministri Birjan Nurymbetovtyń baýyry Timýrjan Nurymbetov jemqorlyq daýynan keiin Jambyl oblysy eńbekpen qamtý jáne áleýmettik baǵdarlamalardy úilestirý basqarmasynyń basshysy qyzmetinen óz erkimen ketti. Bul týraly KazTAG agenttigi habarlady. Ol bul qyzmetke byltyr 18 aqpanda kelgen.
Buǵan deiin, 14 sáýirde "Vremia" basylymy Timýrjan Nurymbetov toǵyz million teńge kóleminde para aldy degen kúdikke ilingenin habarlady. Aqparatqa qaraǵanda basqarma basshysy jemqorlyqqa qarsy qyzmettiń kúdigine byltyr jeltoqsanda ilingen.
Timýrjan Nurymbetovke qatysty qylmystyq kodeksiniń 366-babynyń 3-bóligi boiynsha sotqa deiingi tergeý júrip jatyr. Qylmystyq-protsestik kodekstiń 201-baby boiynsha sotqa deiingi tergeý málimetterin jariialaýǵa bolmaidy.
Timýrjan Nurymbetov - Eńbek jáne halyqty áleýmettik qorǵaý ministri Birjan Nurymbetovtyń týǵan aǵasy. Ol 1966 jyly Jambyl oblysynda dúniege kelgen. Mamandyǵy - injener-tehnolog.
Nurymbetov 2013-2019 jyldary Jambyl oblysy ákimi apparat basshysynyń orynbasary bolǵan. Ol 2019 jyldyń aqpanynan bastap oblystyń Eńbekpen qamtý jáne áleýmettik baǵdarlamalardy úilestirý basqarmasynyń bastyǵy qyzmetin atqarǵan.
