Bilim jáne ǵylym ministri Ashat Aimaǵambetov Nazarbaev Ýniversitetindegi kabinetterdiń birinde «Za nashih» jazbasy bar plakatqa qatysty pikir bildirdi, dep habarlaidy QazAqparat.
«Barlyq azamat zań aldynda teń, zańnama talaptary bárine birdei taralady. Sondyqtan olar zańnamaǵa qaishy ustanymyn bildirse, onda jaýapkershilikke tartylady. Osy jaǵdai boiynsha ázirge habarsyzbyn. Ekinshiden, Nazarbaev Ýniversiteti avtonomdy mártebege ie, Bilim jáne ǵylym ministrligine esep bermeidi», - Aimaǵambetov
Ministrdiń paiymynsha, qandai mamandyq iesi bolsa da, osyndai zańǵa qaishy áreket jasaýǵa bolmaidy.
«Eger qandai da bir qadammen zańnamany buzsa, barlyǵy sekildi jaýapkershilikke tartylady. Muǵalimderge qatysty toqtalsaq, bizde pedagog etikasynyń kodeksi bar jáne onda barlyǵy naqty jazylǵan. Olar osy etikalyq ustanymdarǵa, talaptarǵa sáikes bolýy kerek. Onyń aiasynda ata-analarmen, balalarmen, ózderiniń áriptesterimen qarym-qatynasta atalǵan ustanymdardy eskerýi kerek. Olarǵa ózderiniń pozitsiiasyn, sonyń arasynda saiasi ustanymyn basqaǵa mindetteýge jol berilmeidi...
...Olar bilim beredi jáne ony tek oqytý baǵdarlamasy aiasynda júrgizýi kerek. Al zańnama talaptaryn buzatyndai óziniń saiasi ustanymyn nemese nasihatyn mindetteýge ruqsat etilmeidi», - dedi Aimaǵambetov.
