QR Bilim jáne ǵylym ministri Erlan Saǵadiev mektepte hidjab kiiýge qatysty vedomstvonyń ustanymyn eske saldy, dep habarlaidy QazAqparat.
«Hidjabqa toqtalsaq, oǵan mektepterde tyiym salynǵan. Bizdiń pozitsiia ózgergen joq. Mektep baǵdarlamasy barlyǵyna birdei ekenin bilesizder. Sondyqtan mektepterde kez kelgen oqytý úrdisi biz qabyldaǵan baǵdarlamalar boiynsha memlekettik jalpy bilim berý standarttary aiasynda júrgiziledi. Iaǵni, osy talap barshasyna qatysty. Osy turǵyda bizdiń ustanym ózgermegendikten, qoǵam buǵan túsinistikpen qaraidy dep úmittenemiz», - dedi Erlan Saǵadiev Ortalyq kommýnikatsiialar qyzmetinde ótken jiynda.
Esterińizge sala keteiik, biraz jyl buryn Bilim ministrligi mektepke xidjabpen keletin oqýshylarǵa qatysty resmi ustanymyn bildirgen bolatyn.
