Foto: Pavlodar oblystyq TJM
Tótenshe jaǵdailar ministri Syrym Sháriphanov Pavlodar oblysyndaǵy «Maiqaiyńaltyn» AQ-nyń altyn kenishindegi oiyqqa túsip ketken avtobýsty shyǵarý jumystary qalai júrip jatqanyn aitty, dep habarlaidy Kazinform.
«Ázirshe avtobýsqa deiin 5 metr qaldy. Óte baiaý túsý qajet. Eń bastysy – qutqarýshylar men oiyqty arshyp jatqan jumysshylardyń qaýipsizdigi. Bul ońai sharýa emes. Naqty merzimin, saǵatyn, ai-kúnin aitý qiyn. Óitkeni qutqarý jumystary qaita-qaita úzilip qalyp jatyr – aýmaqty skanerlep, qaýipsiz ekenine kóz jetkizilip turý kerek. Avtobýsty, bir qutqarýshy men júrgizýshini mindetti túrde alyp shyǵamyz. Jumys júrip jatyr, merzimin aitý qazir qiyn», - dedi ol Úkimet otyrysynan keiin ótken brifingide.
Ministr qazaqstandyq qutqarýshylar mundai jaǵdaiǵa birinshi ret tap kelip turǵanyn aitty.
«Bul - erekshe jaǵdai. Qazaqstanda buryn-sońdy bolmaǵan. Sondyqtan tájiribemiz de joq. Qazir álemdegi tájiribelerdi zerttep jatyrmyz. Siz áýeden kóterý máselesin aittyńyz ǵoi. Onyń yqtimaldyǵy az. Bul jerde jer qyrtysyn arshyp, avtobýsqa jetip alý qajet. Al jer qyrtysyn arshý úshin ekskavator men basqa da tehnikalardy paidalaný kerek», - dedi Syrym Sháriphanov.
