QR Energetika ministri Maǵzum Myrzaǵaliev suiytylǵan munai gazyn óndirýdiń ózindik quny týraly málimet berdi, dep habarlaidy QazAqparat agenttigi.
Ortalyq kommýnikatsiialar qyzmetinde ótken brifingide Energetika ministri Mańǵystaý oblysyndaǵy gaz baǵasyna qatysty túsinikteme berdi.
«Jergilikti tutynýshylardy qoldaý úshin gazdyń baǵasy retteldi jáne tonnasyna 38 myń teńge deńgeiinde belgilendi. Iaǵni eksport baǵasynan 5-6 ese tómen. Bul rette «Qazaq gaz óńdeý zaýytynda» ózindik quny tonnasyna shamamen 100 myń teńgeni quraidy. Qazaqstandaǵy suiytylǵan munai gazynyń baǵasy - óńirdegi eń tómen baǵa. Sáikesinshe, tómen deńgeidegi baǵa gaz óndirisin ulǵaitýdy yntalandyrmaidy. 2020 jyly ishki naryqtyń qajettilikterin qamtý úshin 1,4 mln tonna cuiytylǵan munai gazy óndirildi. 2021 jyly ishki naryqtaǵy tutyný 1,6 mln tonnaǵa deiin ósti. Bul rette gaz óndirisi ósip jatqan joq. Al tozyǵy jetken zaýyttardyń jii jóndelýi jalpy óndiristiń tómendeýine ákep soǵýda», - dedi ministr.
Eske salsaq, Memleket basshysy Qasym-Jomart Toqaev Twitter-degi suiytylǵan gaz baǵasynan bastalǵan paraqshasynda Jańaózendegi jaǵdaiǵa qatysty jazba jariialaǵan bolatyn.
«Úkimetke Jańaózendegi jaǵdaidy ekonomikalyq turǵydan eskerip, quqyqtyq jaǵynan tez arada qarastyrýdy tapsyrdym. Sherýge shyqqandar qoǵamdyq tártipti buzbaýy tiis. Azamattardyń jergilikti jáne ortalyq bilik organdaryna talabyn ashyq aitýǵa quqyǵy bar, biraq, bul zańǵa, naqtyraq aitqanda, beibit sherýler týraly zańǵa sáikes júzege asyrylýy kerek», delingen jazbada.
Al, Úkimet Mańǵystaý oblysyndaǵy janarmai stansalarynyń ieleri suiytylǵan munai gazynyń qunyn litrine 120 teńgeden 85-90 teńgege deiin tómendetý týraly sheshim qabyldaǵanyn jazdy.
