Belarýstegi prezident sailaýyna qatysqan oppozitsiia kandidaty Svetlana Tihanovskaia Litvaǵa keldi. Bul týraly Litvanyń syrtqy ister ministri Linas Linkiavichiýs Twitter-de habarlady.
10 tamyzda Minsk men Belarýstiń ózge qalalarynda prezident sailaýynyń qorytyndysyna narazylyq bildirgen aktsiialar jalǵasqan. 9 tamyzda ótken prezident sailaýynda qazirgi basshy Aleksandr Lýkashenko jeńimpaz dep jariialanǵan edi. Svetlana Tihanovskaia eldi 1994 jyldan beri basqaryp kele jatqan avtoritar basshy Lýkashenkonyń sailaý kezindegi basty qarsylasy boldy.
10 tamyz kúngi narazylyq aktsiialary kezinde keminde bir adam qaza boldy. Dúisenbi kúni Tihanovskaia shtaby ortalyq sailaý komissiiasynan shyqqannan keiin Tihanovskaiamen telefon arqyly bailanysa almai otyrǵanyn habarlaǵan. Onyń aldynda oppozitsiia kandidaty jýrnalisterge "sailaýda Lýkashenko emes, men jeńdim dep esepteimin" dep aitqan bolatyn.
"Ol Litvaǵa keldi jáne qaýipsiz jerde" dedi syrtqy ister ministri Linas Linkiavichiýs frantsýzdyń AFP agenttigine.
Aldyn ala málimet boiynsha, Lýkashenko – shamamen 80 paiyz, Tihanovskaia shamamen on paiyz daýys alǵan.
