Qazaqstannyń aqparat ministrligi basshysy Dáýren Abaev qandai buqaralyq aqparat kózderine senetinin aitty, dep jazady sputniknews.kz.
Abaev negizinen dástúrli BAQ-tarǵa senim bildiredi eken.
"Taǵy bir másele, keibir jalǵan aqparat el arasynda jyldan-jylǵa qyzý talqyǵa túsedi. Bul úderis biraz ýaqytqa sozylady dep qorqamyn. Eshkim "haipty" jiberip alǵysy kelmeidi, sonda da jalǵan aqparat taratqany úshin jaýapkershilikke tartylatynyn umytpaýy tiis. Bul kúrdeli másele, qaljyń men dezinformatsiianyń ara jigin ajyrata bilgen jón", — dedi Abaev Astanadaǵy konferentsiiadan keiin.
Ministr atap ótkendei, Jeli de tarap ketken sondai derekterdiń birine ózi de senip qalǵan eken.
"Bir jańalyqty kórip qamyǵyp qaldym. Qatelespesem, Qazaqstan qalalarynyń birinde, Saryózekte ǵoi deimin, tek Qytai Halyq Respýblikasynyń azamattary ǵana turady delingen. Shyndyǵynda bul jalǵan aqparat eken, ol jerde Qazaqstan azamattary jumys isteidi", — dedi Dáýren Abaev.
Budan buryn Abaev "qytailar Qazaqstanǵa aǵylyp jatqan joq", al "bizdiń qoǵam arasynda Qytaidan úreilený bar" dep málimdegen edi.
Vedomstvo basshysy dúisenbi kúni tilshilerge aldaǵy Media-2020 konferentsiiasy týraly aityp berdi. Bul sharada Eýropa men Aziianyń tele- jáne radiokompaniialarynyń ókilderi bas qospaq.
