Tsifrlandyrý jáne aeroǵarysh ónerkásibi ministri Baǵdat Mýsin Nur-Sultannyń sol jaǵalaýyndaǵy internettiń nasharlyǵy týraly aitty, - dep habarlaidy Tengrinews.kz.
Úkimet kýlýarynda jýrnalister ministrden "Han-Shatyr" saýda oiyn-saýyq ortalyǵy artyndaǵy turǵyn úi keshenderindegi internet sapasy týraly surady.
"Naqtyraq "Jaǵalaý" jáne "Manhetten" turǵyn úi keshenderi týraly aitsaq, belgili bir problemalar bar. Biraq túsinersizder. Ministr retinde turǵyndardy úilerine bazalyq stantsiia ornatýǵa májbúrlei almaimyn. Ondaǵy turǵyndardyń ózderi úilerine ornatýymyzǵa qarsy", - dedi ministr.
Ministrdiń aitýynsha, árbir turǵyn úi kesheniniń barlyq turǵyny kelisim bergen jaǵdaida shatyrǵa bazalyq stantsiia ornatý máselesin sol kúni sheshýge bolady.
"Búgin-aq bailanys operatorlaryna habarlasyp, aýdanda bazalyq stantsiiany ornatýdy qamtamasyz ete alamyn. Qazir ákimdikpen sheshim qabyldadyq, radiofobiia bolǵandyqtan, uialy bailanys operatorlaryna biik munara, bazalyq stantsiiasy bar antenna-dińgek qurylysyn júrgizetin belgili bir jer ýchaskesi bólinedi. Basqa amal joq. Jer telimderin resimdeý jáne salý kem degende jarty jyl boiy júrgiziledi. Bul barlyq protsesterdi jedeldetedi", - dedi ol.
Baǵdat Mýsin bazalyq stantsiianyń densaýlyqqa ziiany joqtyǵyn túsindirý úshin aýdan turǵyndarymen kezdesýge daiyn ekenin málimdedi.
Jaqynda ár shatyrda bazalyq stantsiia bolady, óitkeni 5G jii ornatýdy qajet etedi, dedi ol.
"Biz zańnamalyq aktilerge qajetti ózgeristerdi usynamyz. Búginde uialy bailanys operatorlarynyń mindeti bar, eger bir turǵyn kelispese, bazalyq stantsiiany ornata almaimyz", - dep túiindedi Mýsin.
Ministr qyrkúiekte birqatar zańnamalyq aktige bastamashylyq jasalyp, normalardy engizý máselesi sheshilip jatqanyn aitty.
