تسيفرلاندىرۋ جەنە اەروعارىش ٶنەركەسٸبٸ مينيسترٸ باعدات مۋسين نۇر-سۇلتاننىڭ سول جاعالاۋىنداعى ينتەرنەتتٸڭ ناشارلىعى تۋرالى ايتتى, - دەپ حابارلايدى Tengrinews.kz.
ٷكٸمەت كۋلۋارىندا جۋرناليستەر مينيستردەن "حان-شاتىر" ساۋدا ويىن-ساۋىق ورتالىعى ارتىنداعى تۇرعىن ٷي كەشەندەرٸندەگٸ ينتەرنەت ساپاسى تۋرالى سۇرادى.
"ناقتىراق "جاعالاۋ" جەنە "مانحەتتەن" تۇرعىن ٷي كەشەندەرٸ تۋرالى ايتساق, بەلگٸلٸ بٸر پروبلەمالار بار. بٸراق تٷسٸنەرسٸزدەر. مينيستر رەتٸندە تۇرعىنداردى ٷيلەرٸنە بازالىق ستانتسييا ورناتۋعا مەجبٷرلەي المايمىن. ونداعى تۇرعىنداردىڭ ٶزدەرٸ ٷيلەرٸنە ورناتۋىمىزعا قارسى", - دەدٸ مينيستر.
مينيستردٸڭ ايتۋىنشا, ەربٸر تۇرعىن ٷي كەشەنٸنٸڭ بارلىق تۇرعىنى كەلٸسٸم بەرگەن جاعدايدا شاتىرعا بازالىق ستانتسييا ورناتۋ مەسەلەسٸن سول كٷنٸ شەشۋگە بولادى.
"بٷگٸن-اق بايلانىس وپەراتورلارىنا حابارلاسىپ, اۋداندا بازالىق ستانتسييانى ورناتۋدى قامتاماسىز ەتە الامىن. قازٸر ەكٸمدٸكپەن شەشٸم قابىلدادىق, راديوفوبييا بولعاندىقتان, ۇيالى بايلانىس وپەراتورلارىنا بيٸك مۇنارا, بازالىق ستانتسيياسى بار انتەننا-دٸڭگەك قۇرىلىسىن جٷرگٸزەتٸن بەلگٸلٸ بٸر جەر ۋچاسكەسٸ بٶلٸنەدٸ. باسقا امال جوق. جەر تەلٸمدەرٸن رەسٸمدەۋ جەنە سالۋ كەم دەگەندە جارتى جىل بويى جٷرگٸزٸلەدٸ. بۇل بارلىق پروتسەستەردٸ جەدەلدەتەدٸ", - دەدٸ ول.
باعدات مۋسين بازالىق ستانتسييانىڭ دەنساۋلىققا زييانى جوقتىعىن تٷسٸندٸرۋ ٷشٸن اۋدان تۇرعىندارىمەن كەزدەسۋگە دايىن ەكەنٸن مەلٸمدەدٸ.
جاقىندا ەر شاتىردا بازالىق ستانتسييا بولادى, ٶيتكەنٸ 5G جيٸ ورناتۋدى قاجەت ەتەدٸ, دەدٸ ول.
"بٸز زاڭنامالىق اكتٸلەرگە قاجەتتٸ ٶزگەرٸستەردٸ ۇسىنامىز. بٷگٸندە ۇيالى بايلانىس وپەراتورلارىنىڭ مٸندەتٸ بار, ەگەر بٸر تۇرعىن كەلٸسپەسە, بازالىق ستانتسييانى ورناتا المايمىز", - دەپ تٷيٸندەدٸ مۋسين.
مينيستر قىركٷيەكتە بٸرقاتار زاڭنامالىق اكتٸگە باستاماشىلىق جاسالىپ, نورمالاردى ەنگٸزۋ مەسەلەسٸ شەشٸلٸپ جاتقانىن ايتتى.
