Ulttyq ekonomika ministri Rýslan Dálenov kelesi jylǵa qaldyrylǵan halyq sanaǵyna daiyndyq júrip jatqanyn aitty, dep habarlaidy Sputnik Qazaqstan tilshisi.
"Daiyndyq júrip jatyr. Halyq sanaǵyn kelesi jyly ótkizý josparlanyp otyr. Bul rette tsifrlyq tehnologiialarǵa basa mán berilýde. Qazir óńirlerde keń jolaqty internet máselesi sheshilip jatyr", - dedi Dálenov májilis kýlýarynda.
Ol halyq sanaǵyna qarai shalǵaidaǵy aýdandardyń basym bóligi internetpen qamtylatynyn atap ótti. Aitýynsha, bul sanaqty sapaly ótkizýge jáne jinalǵan aqparatty jyldam óńdeýge múmkindik beredi.
Dálenovtiń oiynsha, halyq sanaǵyna bólinetin aqsha ózgerissiz qalýy múmkin.
"Kóremiz, múmkin únemdep te qalýǵa bolatyn shyǵar. Tehnologiialar jyl saiyn arzandap jatyr. Máselen, osydan on jyl buryn sanaq kezinde aqshanyń birazy qaǵaz satyp alýǵa jumsalǵan edi. Bul joly qaǵazdy múldem satyp almaimyz. Tek jekelegen qujattarǵa ǵana alamyz", - dedi ministr.
Ol halyq sanaǵy úshin satyp alynatyn planshetterdiń keiingi taǵdyry týraly aitty.
"Planshetter keiin mektepterge, ákimdikter men aýrýhanalarǵa beriledi", - dedi Dálenov.
Aita ketsek, Qazaqstanda 2019 jylǵa josparlanǵan halyq sanaǵy 2020 jylǵa shegerildi.
