Foto: instagram.com/mchs.kazaviaspas
Tótenshe jaǵdailar ministri Iýrii Ilin vedomstvoǵa qarasty "Qazaviaqutqarý" AQ ushý quramynyń jappai jumystan shyǵýyna qatysty jaǵdaiǵa pikir bildirdi, - dep habarlaidy Tengrinews.kz saity.
"Buǵan deiin "Qazaviaqutqarý" kompaniiasynyń qyzmetkerleri jumystan ketý týraly jappai hat jazyp, birqatar talap qoiǵany týraly aqparat taraǵan bolatyn. Buǵan qandai pikir aita alasyz?" — dep surady jýrnalister ministrden.
Basqarma basshysy qazir barlyq túsken ótinish boiynsha qyzmettik tekseris júrgizilip jatqanyn jáne "tekserýdiń nátijesi kóp kúttirmeitinin" aitty.
"Talaptar men narazylyq jalaqyǵa da qatysty, biraq ol ushý ekipajdarynyń barlyǵy jalaqy aldy. Barlyq reiske jaqsy aqsha: 20 million teńgeden asady (jylyna - esk.). Meniń oiymsha, mundai jalaqy bárinde bola bermeidi. TJM qurylymynda jumys isteýge keletin bolsaq, árine, TJM árdaiym qolaily jaǵdaida jumys istemeidi. Biz árqaisyn (jaǵdaidy - esk) anyqtaimyz",- dep jaýap berdi Ilin.
Ministrdiń aitýynsha, 23 qyzmetker jumystan ketý týraly aryz jazǵan.
"Biz eshkimdi jumystan shyǵarǵan joqpyz. Aldaǵy ýaqytta tekserý qorytyndysy boiynsha sheshim qabyldanady. Bireýleri qalasa, jumystan bosatylady. Biraq olardyń oqýyna biýdjet qarajaty jumsaǵanyn eskerýimiz kerek jáne Eńbek ujymy men kásiporyn ákimshiligi arasynda jasalǵan kelisim boiynsha qyzmetker oqýǵa jumsalǵan qarajatty óteýi tiis", - dep qosty Iýrii Ilin.
