Úkimet úiinde ótken baspasóz məslihatynda QR Eńbek jəne halyqty əleýmettik qorǵaý ministri Mədina Əbilqasymova Qazaqstandaǵy ortasha, eń tómengi jəne eń joǵarǵy zeinetaqy mólsherin atady, dep habarlaidy Baq.kz tilshisi.
"Qazirgi ýaqytta ortasha zeinetaqy mólsheri jinaqtaýshy zeinetaqy bóligin qosqanda 100 myń teńgeni quraidy. Biz birinshi shildeden bastap bazalyq zeinetaqyny kóterdik. Sol sebepten zeinetaqy kólemi byltyrǵy jylmen salystyrǵanda shamamen 23 paiyzǵa ósti. Byltyr ol 66 myń teńgeni qurasa, qazir 81 myń teńgeni quraidy. Al buǵan jinaqtaýshy zeinetaqy bóligin qossaq, ortasha zeinetaqy mólsheri shamamen 100 myń teńgeni quraidy", - dedi Mədina Əbilqasymova.
Ministrdiń aitýynsha, qazirgi tańda eń tómengi zeinetaqy kólemi 49 myń teńgeni qurasa, eń joǵarǵy zeinetaqy mólsheri shamamen 111 myń teńgeni quraidy.
