ua-energy.org
Energetika ministri Bolat Aqsholaqov Qazaqstanda elektr qýatynyń tapshylyǵy týraly aitty, - dep habarlaidy Tengrinews.kz portaly.
"Qazaqstan bitkoin óndirýden álemde úshinshi orynda turǵanyna qaramastan elde elektr energiiasy tapshy. Bul nelikten?, - dep surady jýrnalist brifingte.
Aqsholaqov tańǵy jáne keshki ýaqytta elekter jelilerinde tapshylyq baryn moiyndady.
"Ulttyq jelilerde jaqynda 16,5 gigavatttan astam qýat júkteme boldy. Generatsiia - 15 800. Úlken aǵyndar paida bolǵany anyq. Bul aǵyndar ádette Resei men Ortalyq Aziia júiesimen jabylady", - dedi ministr.
Onyń aitýynsha, júiede óndiris pen tutyný arasynda aiyrmashylyqtar bolǵan kezde apattyq rejim iske qosylyp, tutynýshylarǵa shekteýler enedi.
Ol barlyq maining fermalar qyzmeti normativtik qujattardyń jańa talaptaryna sáikestendirilip, baqylaýǵa alynǵanyn túsindirdi.
"Kimde-kim tirkelmegen bolsa, ol zańdy buzǵan bolyp sanalady. Biz halyqty elektr jaryǵynan ajyratpaimyz. Jaryqty óshirý másele sheshilmei bara jatqanda qoldanylatyn sońǵy sheshim. Birinshi kezekte iri kásiporyndar óshiriledi", - dep qosty ministr.
