QR Tótenshe jaǵdailar ministri Iýrii Ilin qolaisyz aýa raiy kezinde jolda qalǵandar arasynda mert bolyp, úsik shalǵan jolaýshylar bar degen aqparattyń jalǵan ekenin aitty, dep habarlaidy QazAqparat.
«Qys mezgilinde qolaisyz aýa raiy jáne jaýyn-shashynnyń kóp túsýinen óńirler boiynsha respýblikalyq joldardyń qozǵalysyna shekteý engzildi. Bul jumysqa bizdiń jáne Ishki ister ministrliginiń qyzmetkerleri jumyldyryldy. Osy oraida «jolda qalǵan adamdar arasynda qaitys bolǵandar jáne úsip qalǵan jolaýshylar bar» degen aqparat shyndyqqa janaspaidy. Jolda qalý jáne keptelis kezinde eshkim zardap shekken joq», - dedi Iýrii Ilin Ortalyq kommýnikatsiialar qyzmeti alańynda ótken baspasóz máslihatynda.
Ministrdiń aitýynsha, jolda qalǵandarǵa ýaqytyly kómek kórsetilip, olar ýaqytsha ornalastyrý beketterine jetkizildi.
«Jol-kólik oqiǵasy saldarynan qaitys bolǵandar bar. Biraq onyń jolda qalý jaǵdaiyna qatysy joq», - dep tolyqtyrdy tótenshe jaǵdailar vedomstvosynyń basshysy.
