Qazaqstanda joǵary oqý oryndarynda oqýǵa grant bólý júiesi ózgerýi múmkin. Bul týraly ǵylym jáne joǵary bilim ministri Saiasat Nurbek málimdedi, - dep habarlaidy Tengrinews.kz agenttigi.
Vedomstvo basshysy bilim granttarynyń jetispeýshiligi máselesine toqtalyp, jańa sheshimder usyndy.
"Biz eki úlken júieli dúnieni usynamyz. Birinshisi, granttardy saralaý. Iá, granttar sanyn kóbeitip jatyrmyz. Biyl granttar sany byltyrǵymen salystyrǵanda 19 paiyzǵa ósti, kelesi jyly da kóbeiedi. Biraq, báribir áli de jetkiliksiz. Sondyqtan granttardyń bárine 100 paiyz emes, 100, 75, 70, 50 paiyz grant (oqý aqysynyń paiyzy - esk.) bolatyndai etip saralaýdy usynbaqpyz", - dedi ministr Nur-Sultanda ótken forsait sessiiasynda.
Sonymen qatar, Saiasat Nurbek MBJJ mehanizmin qaita iske qosý josparlary týraly aitty.
"Sonymen qatar, MBJJ mehanizmin (memlekettik bilim berý jinaqtaý júiesi - esk.) jáne bilim berý nesiesi mehanizmin qaita iske qosyp jatyrmyz. Óitkeni grantqa ilinbegen adamdarǵa da memleketten kómek alyp, oqý aqysyn bólýge múmkindik berýimiz kerek", - dep túsindirdi ol.
