QR Indýstriia jáne infraqurylymdyq damý ministri Beibit Atamqulov «Nur-Sultan» áýejaiy kodyn ózgertýge qatysty túsinik berdi, dep habarlaidy QazAqparat.
«Áýejai kody boiynsha tiisti jumystar atqarylýda. Azamattyq aviatsiia komitetiniń tóraǵasy Talǵat Lastaev búgin Polshadan elge oralýy tiis. Onda alty nusqa usynylǵan edi. Shynyn aitsam, bul taqyrypta áli de aqparat alǵan joqpyn, iaǵni habar kútip otyrmyn», - dedi B. Atamqulov Parlament Májilisinde tilshiler saýalyna jaýap bere otyryp.
Ministrdiń aitýynsha, Azamattyq aviatsiia tóraǵasy kod boiynsha búgin baiandaityn bolady.
Aita keteiik, usynylǵan alty nusqanyń biri NQZ kody bolǵan edi.
Budan buryn habarlanǵandai, IATA Nur-Sultan qalasy áýejaiynyń kodyn ózgertý týraly túzetýdi maquldady.
«Nur Sultan» halyqaralyq áýejaiynyń kody IATA rásimderi men standarttaryna sáikes ózgertiletin bolady», - dep jazylǵan habarlamada.
