Qazgidromettiń boljamyna sáikes, kúzde respýblikanyń basym bóliginde jaýyn-shashyn bolsa, soltústik-shyǵysta normadan artyq jaýady dep kútilýde. Sol úshin búgin Aýyl sharýashylyǵy ministriniń mindetin atqarýshy Erbol Qarashókeev sharýalarǵa biylǵy ónimdi shyǵynsyz jinap alýdy mindettedi, - dep habarlaidy «Ult aqparat».
Bul týraly ministr Úkimetiniń otyrysynda mal azyǵymen qamtamasyz etý jáne egin jinaý naýqanyna daiyndyq máselesi qaralǵan jiynda aitty. Ministrdiń aitýynsha, egin jinaý tehnikasynyń eki aýysymdyq jumysyn uiymdastyrý qajet jáne jumystyń toqtap qalýyna jol bermegen abzal.
«Meniń oiymsha, biyl jinalatyn astyq kólemi respýblikanyń ishki qajettiligin tolyq qamtamasyz etedi, sondai-aq astyqtyń belgili bir kólemin eksportqa shyǵarýǵa da jetedi. Azyq-túlik korporatsiiasy aýyl sharýashylyǵy ónimderin forvardtyq satyp alýdy júzege asyryp, segiz júz myń tonnaǵa jýyq kelisimshart jasalsa, rezervtik qor - 448 myń tonna. Bul astyq kólemi qajet bolǵan jaǵdaida turaqtandyrý jáne azyq-túlik qaýipsizdigin qamtamasyz etý maqsatynda ishki naryqqa jiberiletin bolady. Osylaisha, elimizdegi azyq-túlik qornyyń jetkilikti ekenin jáne ol eń birinshi halyqqa jumsalatynyn atap ótkim keledi. Sonymen qatar, azyq-túlik, mal-jan úshin biylǵy jyly shópti shet elge shyǵarmaýdyń joldaryn da qarastyrdyq», - dedi Aýyl sharýashylyǵy ministriniń mindetin atqarýshy Erbol Qarashókeev.
Barshańyzǵa belgili tamyz aiy egin jinaityn mezgil. Naqty aitqanda osy aidyń úshinshi onkúndiginen bastap jappai egin jinaýǵa kirisedi. Osy oraida Aýylsharaýshylyq ministrligi men Energetika ministrligi birigip, oblys operatorlaryn munai óńdeý zaýytyna bekitý kestesi jasaldy.
Sonymen qatar, biyl elimizdegi qurǵaqshylyqqa bailanysty 23 tamyzdan bastap shópti elden shyǵarýǵa ýaqytsha tyiym salynady. Keler aidan bastap, jem-shóp eksportyn kvotalaý engiziledi. Eldegi qiyn jaǵdaiǵa qaramastan, maldy qystan alyp shyǵý úshin oblystardyń basshylary jem-shóp daiyndaý josparlaryn daiyndady.
Biyl topyraqtaǵy jáne atmosferadaǵy qýańshylyqtyń saldarynan dándi daqyldar egilgen alqaptardyń jaǵdaiy edáýir nasharlady jáne bul tek Qazaqstanda ǵana emes. Egis alqaptaryndaǵy jaǵdaidyń nasharlaý úrdisi álemniń kóptegen astyq egýshi elderine áser etti.
«Egis naýqany ońtaily merzimde júrgizildi jáne sapaly tuqymdar egildi. Fermerler ýaqytynda tyńaitqysh seýip, aramshóp pen túrli ósimdik aýrýlaryna qarsy egis alqaptaryna himiialyq óńdeý jumystary júrgizilgenin aita ketý kerek. Sol sebepti de qurǵaqshylyqtyń saldaryn zertteý úshin arnaiy jumys toptary quryldy, olar astyq egetin aimaqtardyń barlyq aýdandaryn zerttedi», - dedi ministrdiń mindetin atqarýshy.
Elimizdegi aýa raiy qandai bolsa da, sharýalardyń jumysyna eshqandai qiyn jaǵdai týdyrmaýdyń joldaryn qarastyrý kerek dedi ministr. Onyń aitýynsha, osyǵan bailanysty, árbir jaqsy kúndi barynsha tiimdi paidalaný kerek. Egin jinaý tehnikasynyń eki aýysymdyq jumysyn uiymdastyrý qajet. Jumystyń toqtap qalýyna jol bermegen abzal. Osynyń bárin eskere kele, ónimdilikti arttyrý jóninde sharalar qabyldaý qajet.
Esterińizge sala keteiik, búgin Úkimetiniń otyrysynda mal azyǵymen qamtamasyz etý jáne egin jinaý naýqanyna daiyndyq máselesi qaralǵan jiyn ótti. Osy jiynda Aýyl sharýashylyǵy ministriniń mindetin atqarýshy Erbol Qarashókeev sharýalarǵa biylǵy ónimdi shyǵynsyz jinap alýdy mindettedi. Óitkeni, Qazgidromettiń boljamyna sáikes, kúzde respýblikanyń basym bóliginde jaýyn-shashyn bolsa, soltústik-shyǵysta normadan artyq jaýady, dep kútilýde. Ministrdiń aitýynsha, egin jinaý tehnikasynyń eki aýysymdyq jumysyn uiymdastyrý qajet jáne jumystyń toqtap qalýyna jol bermegen abzal.
