Parlament Májilisiniń jalpy otyrysynda palata depýtattary «Qazaqstan Respýblikasynyń keibir zańnamalyq aktilerine atom energiiasyn paidalaný salasyndaǵy azamattyq-quqyqtyq jaýaptylyq máseleleri boiynsha ózgeris pen tolyqtyrýlar engizý týraly» zań jobasyn maquldady, dep habarlaidy "Ult aqparat".
«Zań jobasynyń retteý máni – Qazaqstan Respýblikasynda iadrolyq qondyrǵylardyń jumys isteýi protsesinde týyndaityn, atap aitqanda iadrolyq qondyrǵy operatorlarynyń iadrolyq zalal keltirgeni úshin azamattyq-quqyqtyq jaýaptylyǵy salasyndaǵy qoǵamdyq qatynastar. 1997 jylǵy Iadrolyq zalal úshin azamattyq jaýapkershilik týraly Vena konventsiiasy Qazaqstan Respýblikasynyń 2011 jylǵy 10 aqpandaǵy Zańymen ratifikatsiialandy. Vena konventsiiasynyń basty ideiasy – iadrolyq oqys oqiǵa (apat) týyndaǵan jaǵdaida, qondyrǵy operatory keltirilgen zalaldy óteýge mindetti. Bul rette, operatordyń iadrolyq zalaldy óteý somasynyń eń tómengi mólsherin memleket aiqyndaidy», - dep toqtaldy QR Energetika ministri Nurlan Noǵaev.
Onyń sózine qaraǵanda, búgingi tańda Qazaqstanda zańnamalyq deńgeide 1997 jylǵy Vena konventsiiasynyń erejelerin qoldaný sharttary reglamenttelmegen. Atap aitqanda, memleket operatordyń jaýapkershiliginiń shekterin aiqyndamaǵan jáne qarjylyq qamtamasyz etý men saqtandyrý máselelerin rettemegen.
«Qazaqstan Respýblikasynyń qoldanystaǵy zańnamasy erekshe iadrolyq táýekelder úshin jetkiliksiz jáne olarǵa beiimdelmegen, iadrolyq avariia saldarynan shyǵyndardy óteý tetigi joq jalpy azamattyq-quqyqtyq jaýaptylyqqa negizdelgen. Zań jobasynyń basty maqsaty – ishki zańnamany Vena konventsiiasyna sáikestendirý boiynsha Qazaqstannyń halyqaralyq mindettemelerin iske asyrý, iadrolyq tehnologiialarǵa qol jetkizý arqyly atom salasyn damytýǵa járdemdesý, iadrolyq zalal keltirgeni úshin iadrolyq qondyrǵy operatorynyń jaýaptylyq shegin belgileý jáne qarjylyq qamtamasyz etý arqyly iadrolyq zalal nátijesinde zardap shekken adamdarǵa aqshalai ótemaqynyń berilýin qamtamasyz etý», - dep túsindirdi ministr.
Bul úshin zań jobasynda iadrolyq zalal keltirgeni úshin azamattyq-quqyqtyq jaýaptylyq jáne iadrolyq qondyrǵy operatorynyń sondai zalal úshin qarjylyq qamtamasyz etýdiń mindetti túrde bolýy engiziledi.
«Zań jobasy iadrolyq qondyrǵylardyń radiatsiialyq qaýiptilik sanattaryna súiene otyryp, iadrolyq zalal keltirgeni úshin iadrolyq qondyrǵy operatorlarynyń saralanǵan jaýaptylyq shekterin paidalanýdy kózdeidi. Iadrolyq qondyrǵynyń radiatsiialyq qaýiptilik sanattarynyń negizinde jaýaptylyqty belgileý nusqasy eń ońtaily bolyp sanalady», - dedi Nurlan Noǵaev.
